Gold Investment : धनत्रयोदशीला सोनं की डिजिटल गोल्ड?; कोणती गुंतवणूक फायदेशीर

Investment In Gold : धनत्रयोदशीला (Dhanterus) मौल्यवान वस्तू खरेदी करण्याची परंपरा आहे. या दिवशी अनेक जण सोन्याचे दागिने (Gold) किंवा चांदीची नाणी इत्यादी खरेदी करतात. मात्र, आज आम्ही तुम्हाला या धनत्रयोदशीला सोन्याचे दागिने खरेदी करणं फायदेशीर ठरले की डिजिटल गोल्ड याविषयी सांगणार आहोत. (Digital Gold Investment)

सोन्याचे दागिने किंवा नाणं खरेदी करताना वस्तूच्या किंमतीव्यतिरिक्त तुम्हाला मेकिंग चार्ज देखील भरावा लागतो. जो काही दागिन्यांच्या बाबतीत 20 टक्के असू शकतो. विकते घेतलेले हे विकताना यात घट धरली जाते. त्यामुळे हा तोटा टाळण्यासाठी गुंतवणूकीसाठी डिजिटल गोल्ड हा एक चांगला पर्याय आहे.

डिजिटल सोने हा सोन्यात गुंतवणुकीचा एक आभासी मार्ग आहे. यामध्ये तुम्ही 1 हजारांपर्यंत गुंतवणूक करू शकता. तुम्ही मोबाइल वॉलेट कंपनीकडे ऑनलाइन नोंदणी करून डिजिटल सोन्यात गुंतवणूक करू शकता.

तुम्ही कुठूनही आणि केव्हाही डिजिटल गोल्डचे युनिट खरेदी करू शकता आणि कर्ज घेण्यासाठी ते तारण म्हणूनही वापरू शकता. ज्यावेळी तुम्ही डिजिटल सोने खरेदी करता किंवा विकता तेव्हा तुम्हाला त्या वेळचे बाजारमूल्य मिळते. डिजिटल सोने खरेदी करण्यासाठी काही मर्यादा आहेत. बहुतांश ऑनलाइन प्लॅटफॉर्मवर कमाल 2 लाख रुपयांपर्यंत गुंतवणूक केली जाऊ शकते.