UP मध्ये नवा ट्विस्ट; भाजपला सोडचिठ्ठी दिलेले मौर्य 'सपा'मध्येही जाणार नाही? | Assembly Elections 2022 | Sakal
sakal

बोलून बातमी शोधा

UP
UP मध्ये नवा ट्विस्ट; भाजपला सोडचिठ्ठी दिलेले मोर्य 'सपा'मध्येही जाणार नाही?

UP मध्ये नवा ट्विस्ट; भाजपला सोडचिठ्ठी दिलेले मौर्य 'सपा'मध्येही जाणार नाही?

स्वामी प्रसाद मौर्य (Swami Prasad Maurya) यांनी मंगळवारी योगी आदित्यनाथ (CM Yogi Adityanath) यांच्या मंत्रिमंडळातून राजीनामा देत भाजप सोडण्याची घोषणा केली. यूपी विधानसभा निवडणुकीच्या पार्श्वभूमिवर हा निर्णय भाजपसाठी मोठा धक्का मानला मानला जातोय. मात्र आता या प्रकरणात आणखी एक ट्विस्ट निर्माण झाला आहे. मौर्य यांनी मंत्रायलातून राजीनामा दिला मात्र, पण आता पुढे काय? हा मोठा प्रश्न निर्माण झाला आहे. स्वामी प्रसाद मौर्य समाजवादी पक्षात प्रवेश करणार का? याबद्दलच आता साशंकता निर्माण झाली आहे.

हेही वाचा: Assembly Elections 2022 : कधी, कुठे, कशा होतील निवडणुका? वाचा सविस्तर

अखिलेश यादव यांच्यासोबतचा मोर्य यांचा फोटो हे सूचित करतो की, ते समाजवादी पक्षात प्रवेश करतील, मात्र त्यांच्या मुलीने ही गोष्ट नकारली आहे. तर मौर्य यांनीही स्वत: सपामध्ये सामील होण्यावर अधिकृत शिक्कामोर्तब केलेलं नाही. दुसरीकडे भाजपकडून मौर्य यांचं मन वळवण्याचे प्रयत्न देखील सुरू आहेत. त्यामुळे आता या प्रकरणात पुढे काय होतं याबद्दल कोणतीही शक्यता वर्तवणं कठीण झालं आहे. मौर्य यांनी हा राजीनामा दिला, यामागे पक्ष श्रेष्ठींवर दबाव टाकण्याचा त्यांचा हेतू असल्याचं देखील बोललं जातंय.

हेही वाचा: मलिकांवर भाजप नेत्याचा पुन्हा निशाणा, 'फिर लेनी पड़ेगी मियाँको..!'

दरम्यान, भाजप सोडलेल्या मौर्य आणि त्यांच्याशी संबंधित आमदारांकडून सध्या वेगवेगळी वक्तव्ये येत आहेत. भाजपला सोडचिठ्ठी दिलेले बांदा येथील तिंदवारी मतदारसंघाचे आमदार ब्रजेश प्रजापती यांच्याशी माध्यमांनी संपर्क साधण्याचा प्रयत्न केला असता, स्वामी प्रसाद मौर्य हे आमचे नेते असून, 14 तारखेच्या बैठकीनंतर कोणत्या पक्षात जायचे याचा निर्णय होईल, असं त्यांनी सांगितलं. तसंच अद्याप कोणत्याही पक्षात जाण्याचा निर्णय झालेला नसून, स्वामी प्रसाद मौर्य ज्या पक्षात जातील, त्या पक्षात आपण सर्व एकत्र जाऊ असं त्यांनी स्पष्ट केलंय.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top