Bihar| बिहार विधानपरिषद निवडणुकीत एनडीएची बाजी, १३ जागा जिंकल्या | Sakal
sakal

बोलून बातमी शोधा

Bihar Legislative Council Elections

Bihar| बिहार विधानपरिषद निवडणुकीत एनडीएची बाजी, १३ जागा जिंकल्या

पाटणा : बिहारच्या विधानपरिषदेच्या २४ जागांसाठी झालेल्या निवडणुकीत (Bihar MLC Election Results 2022) राष्ट्रीय लोकशाही आघाडीने (NDA) पुन्हा एकदा बाजी मारली आहे. निम्म्यापेक्षा अधिक जागा एनडीएने जिंकल्या आहेत. संध्याकाळी सहा वाजेपर्यंत २३ जागांचे निकाल घोषित करण्यात आले. यात १३ जागा एनडीएने मिळवल्या. राष्ट्रीय जनता दलने (राजद) पाच जागांवर विजय मिळविला आहे. चार जागांवर अपक्ष विजयी झाले आहेत. एनडीएत भाजपला (BJP) सात, राष्ट्रीय जनता दलला (संयुक्त) ५ आणि पारस यांच्या रालोसपाने एक जागा जिंकली आहे. (Bihar MLC Election Results NDA Won More Seats)

हेही वाचा: श्रीलंकेतील आर्थिक संकट थांबता थांबेना, औषधांची मोठ्या प्रमाणावर टंचाई

काँग्रेसनेही एक जागा मिळवली आहे. यंदा जदयूने ११ आणि भाजपने १२ जागांवर आपापले उमेदवार उभे केले होते. राजदने २३ उमेदवारांना मैदानात उतरवले होते. जदयूने मुझफ्फरपूर, नालंदा, भोजपूर, सीतामढी आणि भागलपूर या जागा जिंकल्या आहेत. भाजपने पूर्णिया, गोपालगंज, रोहतास, समस्तीपूर, औरंगाबाद आणि कटिहार येथे विजय मिळविला आहे. पारस यांच्या रालोसपाने हाजीपूरची जागा जिंकली आहे.

हेही वाचा: राकेश टिकैत पुन्हा शेतकरी आंदोलन छेडणार; मोदी सरकारला दिला थेट इशारा

राजदने राजधानी पाटणा आणि मुंगेरसह पश्चिम चंपारण, गया आणि सीवान आदी जागा जिंकल्या. काँग्रेसने बेगुसरायची जागा जिंकली आहे.

Web Title: Bihar Mlc Election Results Nda Won More Seats

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..