सीमावादावरून भारताकडून गुंतागुंत वाढू नये 

नवी दिल्ली - सीमावादासाठी चीनने भारतावर ठपका ठेवताना यात भारत आणखी गुंतागुंत वाढविणार नाही, असा शहाजोगपणाचा सल्ला दिला आहे. भारत चीन सीमेवरील तणाव दीर्घकाळ राहण्याची शक्यता वर्तविणाऱ्या बातम्यांवर ही प्रतिक्रिया देताना चीनने सूचक शब्दांत, तडजोडीची जबाबदारी भारतावर असल्याचे म्हटले आहे. तसेच, दोन्ही देश लष्करी आणि राजनैतिक पातळीवर संवाद साधण्यात प्रयत्नशील असल्याचेही चीनने म्हटले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

लडाख भागात चीनी सैन्याच्या घुसखोरीनंतर दोन्ही देशांमध्ये वाढलेल्या तणाव वाढला असून सीमेवर सैन्य आमने सामने उभे ठाकले आहे. या पार्श्वभूमीवर चीनी वकिलातीचे प्रवक्ते जी रोंग यांनी काल रात्री उशिरा याबाबतचे वक्तव्य जारी करताना भारत सीमावादावर गुंतागुंत वाढविणार नाही आणि परिस्थिती आणखी बिघडेल अशी कारवाई देखील करणार नाही, अशी अपेक्षा व्यक्त केली आहे. यातून सीमाभागात शांतता आणि स्थितता राखण्यासाठी त्याचप्रमाणे द्विपक्षीय संबंधांच्या विकासातून अनुकूल वातावरण तयार होईल. सद्यस्थितीत भारत-चीन सीमेवरील तणाव घटला असून परिस्थिती सुधारत असल्याची पुस्ती देखील चीनी प्रवक्त्याने जोडली आहे. 

जेसीबीने केलं रेस्क्यू ऑपरेशन, पाहा थरारक व्हिडिओ

चीनी घुसखोरी आणि १५ जूनला झालेल्या हिंसक झटापटीत २० भारतीय जवानांच्या मृत्यूनंतर वातवरण तापले असून लष्करी आणि राजनैतिक पातळीवर दोन्ही देशांमध्ये बातचित झाली असली तरीही त्यातून ठोस निष्कर्ष निघालेला नाही. 

VIDEO - अंत्ययात्रा नव्हे, इथं रुग्णाला दवाखान्यात असंच न्यावं लागतं

मोक्याच्या ठिकाणी अजूनही चिनी सैन्य
चिनी सैन्याने गलवान खोऱ्यात, पॅंगॉग त्सो सरोवराच्या परिसरात काही भागांमधून सांकेतिक माघार घेतली असली तरी मोक्याच्या ठिकाणी अजूनही चिनी सैन्य तैनात असून शस्त्र सामग्रीची देखील जमवाजमव करण्यात आली आहे. तर, संपूर्ण ताबारेषेवरून चिनी सैन्याने माघार घ्यावी आणि मे पूर्वीची यथास्थिती कायम करावी, या मागणीवर भारत ठाम आहे. एवढेच नव्हे तर चिनी सैन्याच्या दुःसाहसाला आळा घालण्यासाठी तुल्यबळ सैन्य तैनाती भारतानेही पूर्व सीमेवर केली आहे.

Edited By - Prashant Patil