चीनने भारताला फारसे महत्त्व दिले नाही; काय आहे प्रकरण वाचा

नवी दिल्ली - सीमावादासंदर्भात भारताशी चर्चा करण्यासाठी चीनने लेप्टनंट जनरलऐवजी तुलनेने कनिष्ठ अशा मेजर जनरल दर्जाच्या अधिकाऱ्याला चर्चेसाठी पाठवल्याचे उघड झाले आहे. त्यामुळे चीनकडून भारताला फारसे महत्त्व दिले नसल्याचे तज्ज्ञांचे म्हणणे आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भारत आणि चीनने शांततापूर्ण तसेच संवादाच्या मार्गाने मतभेद सोडविण्यावर भर दिला असून कालच भारतीय परराष्ट्र मंत्रालयाच्या पूर्व आशिया विभागाचे सहसचिव आणि चीनी परराष्ट्र मंत्रालयाचे महासंचालक यांच्यात व्हिडीओ कॉन्फरन्सद्वारे बातचित झाली होती. त्यातही मतभेद चर्चेतून सोडविण्यावर सहमती व्यक्त करण्यात आली होती. 

२२२ वर्षांनी हज यात्रेवर दुसऱ्यांदा संकट; काय आहे 'हज'चा इतिहास? वाचा सविस्तर

या पार्श्वभूमीवर आजच्या लष्करी पातळीवरील चर्चेबाबत भारतीय लष्कराच्या प्रवक्त्याने सांगितले, की सीमेवरील सध्याची स्थिती पाहता दोन्ही देशांचे अधिकारी लष्करी तसेच राजनैतिक माध्यमातून एकमेकांच्या संपर्कात राहतील. दरम्यान, या चर्चेसाठी दोन्ही देशांचे लष्करी अधिकारी समतुल्य दर्जाचे असल्याचे सांगितले जात असले तरी सीमावादावर विस्तारवादी वर्तनामुळे चीनी हेतूंबाबत संरक्षण तज्ज्ञांमध्ये साशंकता आहे. चीनने जाणीवपूर्वक लेफ्टनंट जनरलऐवजी तुलनेने कनिष्ठ अशा मेजर जनरल दर्जाच्या अधिकाऱ्याला चर्चेसाठी पाठवून भारताला फारसे महत्व देत नसल्याचे दर्शविण्याचा प्रयत्न केल्याचे तज्ज्ञांचे म्हणणे आहे. 

काय चाललंय काय? चिनविरोधी मोहिम राबवणाऱ्या अमुलचं ट्विटर झालं ब्लॉक

ग्लोबल टाइम्सचा कांगावा
दोन्ही देशांच्या वरिष्ठ लष्करी अधिकाऱ्यांची चर्चा सुरू असताना ग्लोबल टाईम्स या सरकारी प्रसारमाध्यमाची भूमिका देखील धमकी देणारी आणि दबाव वाढविणारीच राहिली. सीमेवर तणाव संपुष्टात येईल. परंतु कोणत्याही परिस्थितीत चीन माघार घेणार नाही, असा इशारा ग्लोबल टाईम्समधील लेखातून देण्यात आला. 

भारताने चिथावणीखोर कारवाया थांबवून चीनी सीमेचा आदर करावा. भारताने पाश्चात्य माध्यमांना उद्देशून जाणीवपूर्वक वक्तव्ये थांबवावे, असा कांगावाही ग्लोबल टाईम्सने केला.