पुरुषांनाही पगारी मासिक पाळी रजा मंजूर...

बंगळूर : शहरामधील एका कंपनीने महिला कर्मचाऱयांना पगारी मासिक पाळी रजा मंजूर केली आहे. पण, महिला-पुरुष असा भेदभाव न करता पुरुषांनाही त्यांच्या पत्नीची काळजी घेता यावी, म्हणून पगारी रजा मंजूर केली आहे.

विवाह उत्साहात साजरा पण नवरी ऐवजी होती...

बंगळुरूमधील हॉर्सेस स्टेबल न्यूज या कंपनीने आपल्या कंपनीतील महिला आणि पुरुष कर्मचाऱ्यांसाठी मासिक पाळी रजेची योजना लागू केली आहे. कंपनीच्या अधिकाऱ्यांनी दिलेल्या माहितीनुसार, महिलांना त्यांच्या मासिक पाळीत दोन दिवस रजा घेण्याची परवानगी देण्यात आली आहे. यामुळे त्यांना त्यांच्या त्या दिवसात पुरेसा आराम मिळेल. रजेदरम्यान त्यांचा पगार कापला जाणार नाही. शिवाय, त्यांना 250 रुपये भत्ता दिला जाणार आहे. फक्त महिलाच नाही तर पुरुष कर्मचाऱ्यांसाठीही अशी सुविधा आहे, जेणेकरून ते आपल्या जोडीदाराच्या मासिक पाळीत तिची काळजी घेतील. दरम्यान आजारपणासाठी दिल्या जाणाऱ्या रजेत या रजेचा समावेश नाही, तर ही स्वतंत्र रजा असणार आहे.

जिल्हाधिकाऱ्याने कार्यालयात शिपायाकडून घेतले पाय चेपून...

हॉर्सेस प्रोडक्शनच्या सहसंस्थापक सलोनी अगरवाल म्हणाल्या, 'महिलांना मासिक पाळीच्या कालावधीत तीव्र वेदना आणि क्रॅम्प्स होतात. त्यामुळे महिलांसाठी ही योजना आहेच. पण, महिला-पुरुषांना समान संधी असावी, असादेखील आमचा उद्देश आहे. त्यामुळे पुरुषांसाठीदेखील आम्ही ही योजना लागू केली आहे. आमच्या कंपनीत अशी योजना सुरू करताना आम्हाला आनंद होत आहे. इतर कंपन्यांनाही आम्ही प्रोत्साहीत करत आहोत, त्यांनीदेखील अशी योजना त्यांच्या कंपनीत सुरू करावी. अशा उपक्रमामुळे आपण मासिक पाळीबाबत असलेला टॅबू तोडू शकतो, अशी मला आशा आहे. आमच्या कंपनीत 60% महिला आणि 40% पुरुष कर्मचारी काम करत आहेत.'