पोलिसाची कॉलर पकडणे भोवले; काँग्रेस नेत्यारेणुका चौधरीविरुद्ध गुन्हा, म्हणाल्या... | Sakal
sakal

बोलून बातमी शोधा

Crime against Congress leader renuka Chowdhury in hyderabad

पोलिसाची कॉलर पकडणे भोवले; रेणुका चौधरीविरुद्ध गुन्हा, म्हणाल्या...

नवी दिल्ली : पोलिस कर्मचाऱ्याची कॉलर पकडल्याप्रकरणी हैदराबाद पोलिसांनी काँग्रेस नेत्या रेणुका चौधरीविरुद्ध (renuka Chowdhury) गुन्हा दाखल (Crime) केला आहे. सोशल मीडियावर एक व्हिडिओ व्हायरल झाला आहे. ज्यामध्ये रेणुका चौधरी तेलंगणामध्ये पोलिसाची कॉलर धरताना दिसत आहेत. गुन्हा दाखल झाल्यानंतर स्वतःला स्थिर ठेवण्यासाठी पोलिसाला धरून ठेवावे लागले, अशी प्रतिक्रिया चौधरी यांनी दिली.

अंमलबजावणी संचालनालयाने (ईडी) काँग्रेस नेते राहुल गांधी यांची चौकशी केल्याने काँग्रेसतर्फे (Congress) निदर्शने करण्यात आली. ४३ सेकंदांच्या या व्हिडिओमध्ये रेणुका चौधरी पोलिस कर्मचाऱ्याशी वाद घालतानाही दिसत आहे. यानंतर महिला पोलिसांनी त्यांना पोलिस व्हॅनकडे ओढत नेल्याचे दिसते.

ईडीकडून (ED) राहुल गांधी यांची चौकशी केली जात आहे. सलग तीन दिवसांच्या चौकशीनंतर त्यांना पुन्हा शुक्रवारी चौकशीसाठी बोलावले आहे. अशात राहुल गांधी यांनी सोमवारपर्यंत चौकशी पुढे ढकलण्याची मागणी केली आहे. यावर ईडीकडून कोणतेही उत्तर आलेले नाही. चौकशीच्या निषेधार्थ काँग्रेस पक्षाच्या वतीने निदर्शने करण्यात आले.

हेही वाचा: लष्कराकडून हिंदू शिक्षिका बाला यांच्या हत्येचा बदला; दोन दहशतवादी ठार

नॅशनल हेराल्ड-एजेएल डीलशी संबंधित कथित मनी लाँड्रिंग प्रकरणासंदर्भात ही चौकशी सुरू आहे. तेलंगणा प्रदेश काँग्रेस (Congress) कमिटीचे प्रमुख आणि पक्षाचे खासदार ए. रेवंत रेड्डी, काँग्रेस विधिमंडळ पक्षाचे नेते मल्लू भाटी विक्रमार्का आणि इतर नेते राजभवनाच्या दिशेने जात असताना पोलिसांनी त्यांना प्रतिबंधात्मक ताब्यात घेतले. आंदोलनामुळे खैरताबाद सर्कल आणि परिसरात वाहतूक कोंडी झाली होती.

मी पोलिसावर हल्ला केला नाही

पोलिसावर हल्ला केला नाही. तरी मी त्याचा सामना करण्यासाठी तयार आहे. मी तोल गमावत होता. स्वतःला स्थिर ठेवण्यासाठी धरून ठेवावे लागले. आम्हाला मागे ढकलले जात होते, असे रेणुका चौधरी (renuka Chowdhury) गुन्हा दाखल झाल्यानंतर म्हणाल्या.

हेही वाचा: Agneepath : योजनेबाबतचे गैरसमज सरकारने केले दूर; वाचा सविस्तर

इतके पुरुष पोलिस का होते?

मागून मला ढकलत होते. माझ्या पायात समस्या आहे. माझा तोल गेल्याने पोलिसाच्या अंगावर पडली. यासाठी मी माफी मागते. परंतु, आमच्या आजूबाजूला इतके पुरुष पोलिस का होते, असा प्रश्न रेणुका चौधरी यांनी उपस्थित केला.

Web Title: Crime Against Congress Leader Renuka Chowdhury In Hyderabad

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :CongresspoliceHyderabadED
go to top