Eat Dosa Win Prize: जर तुम्हाला डोसा (Dosa) खाण्याचे शौकीन असाल तर ही बातमी तुमच्यासाठी आहे. डोसा खाऊन तुम्ही तब्बल 71000 रुपये घरी घेऊन जाऊ शकता. दिल्लीतील एका रेस्तराँने आपल्या ग्राहकांसाठी ही ऑफर दिली आहे. या रेस्तराँमध्ये दिला जाणारा डोसा जर तुम्ही ४० मिनिटांत खाऊ शकला तर तुम्हाला 71000 रुपयांचे बक्षिस दिले जाते. या रेस्तराँच्या या अनोख्या ऑफरची सोशल मीडियाच्या (Social Media) माध्यमातून देशभर चर्चा होत आहे. (Eat Dosa and win a prize of Rs. 71000, a special offer at a restaurant in Delhi)
दिल्लीतील उत्तम नगरमधील 'स्वामी शक्ती सागर रेस्तराँ' नावाचे एक रेस्तराँ आहे. येथे ग्राहकांनी 'डोसा चॅलेंज' पूर्ण केल्यावर त्यांच्यासोबत 71,000 रुपयांचा जिंकण्याची संधी मिळत आहे. परंतू हा डोसा साधारण डोसा नाही, हा डोसा तब्बल 10 फूट लांबीचा आहे. हा डोसा तुम्हाला 40 मिनिटांत संपवायचा आहे. जर तुम्ही हा डोसा 40 मिनिटांत खाऊन संपवला तर 71000 रूपयांचे बक्षिस तुम्ही जिंकू शकता. रेस्तराँचे मालक शेखर कुमार यांनी सांगितले की, आमच्या रेस्तराँमधील हा 10 फूटांचा डोसा जो कोणी 40 मिनिटांत एकटा खाऊन पूर्ण करेल, त्याला आम्ही चेकच्या स्वरूपात 71,000 रुपये बक्षीस देऊ. पूर्वी हा डोसा छोट्या आकाराचा असे. मात्र आता तो अधिक मोठा आहे. पूर्वी ते ५ फूट, ६ फूट आणि ८ फूट आकाराचा डोसा बनवत असत. पण आता ते १० फुटाचा मोठा डोसा बनवतात.
आतापर्यंत 25 ते 26 लोकांनी हे आव्हान स्वीकारले. मात्र आजपर्यंत हे आव्हान कोणालाही जिंकता आलेले नाही. या चॅलेंजमध्ये सहभागी होण्यासाठी अनेक ठिकाणांहून कॉल येत असल्याचे मालक सांगतात. या 10 फूटाच्या डोसाची किंमत 1500 रुपये आहे. दरम्यान चॅलेंजमध्ये भाग घेतलेल्या एका ग्राहकाने सांगितले की, त्याने हे चॅलेंज स्वीकारले होते, परंतु तो डोसा पूर्ण खाऊ शकला नाही. परंतु हा डोसा अतिशय चवदार असल्याचे ग्राहकाने सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.