जगन्नाथ मंदिराच्या 35 हजार एकर जमिनीची होणार विक्री; ओडीसा सरकारविरोधात असंतोष

भुवनेश्वर : ओडीसा सरकारने जगप्रसिद्ध भगवान जगन्नाथ मंदिराशी संबंधित 35 हजार एकर जमीन विकण्याची प्रक्रिया सुरु केली आहे. भाजपचे आमदार मोहन मांझींच्या एका प्रश्नाला उत्तर देताना कायदा मंत्री प्रताप जेना यांनी 16 मार्चला विधानसभेत म्हटलं होतं की, तत्कालीन राज्यपाल बीडी शर्मा यांच्या अध्यक्षतेखाली बनवलेल्या गेलेल्या एका कमिटीच्या शिफारसींनुसार, राज्य सरकार जगन्नाथ मंदिराच्या 35,272.235 एकर जमीनीची संपत्ती विकण्यासाठी आवश्यक पावले उचलत आहे. या निर्णयावरुन सध्या लोकांमध्ये असंतोष आहे. सोशल मीडियावर #SaveJagannathTemple नावाचा हॅशटॅग देखील ट्रेंड होत आहे. 

जेना यांनी म्हटलं की, आयोगाच्या शिफारसीनुसार, राज्य सरकारच्या Approved Policy नुसार जमीन विकण्यासाठी पावले उचलली जात आहेत. या प्रयत्नांनुसार, 12 व्या शतकातील या मंदिराच्या 650 कोटी रुपयांच्या कोषाला 2023 पर्यंत वाढवून 1,000 कोटी रुपये बनवण्याचा उद्देश आहे. तसेच त्यांनी  पुढे म्हटलं की, राज्य सरकारने मंदिराच्या जमीनीवर अतिक्रमण करणाऱ्या लोकांकडून पैसे गोळा करण्याचा निर्णय घेतला आहे. 

हेही वाचा - CoronaUpdate : देशातील रुग्णसंख्येच्या तब्बल 65% रुग्ण एकट्या महाराष्ट्रात

प्रताप जेना यांनी म्हटलं की ओडीसाच्या 30 मधील 24 जिल्ह्यांमध्ये पसरलेल्या जगन्नाथ मंदिराशी संबंधित 60,426.943 एकर जमीन आहे. यामधील 395.252 एकर बंगाल, महाराष्ट्र, मध्य प्रदेश आणि आंध्र प्रदेशसारख्या राज्यांमध्ये ही जमीन आहे. मंदिर प्रशासन 34,876.983 एकरमध्ये राईट्स ऑफ राईट्स (जमीनीचा अधिकार-RoR) तयार करु शकते. सुत्रांच्या माहितीनुसार, जगन्नाथ मंदिराची जास्तीतजास्त 322.930 एकर जमीन पश्चिम बंगालमध्ये, 28.218 एकर जमीन महाराष्ट्रामध्ये, 1.700 जमीन छत्तीसगढमध्ये आणि 0.274 जमीन बिहारमध्ये आहे. ज्या लोकांनी 30 वर्षांपासून अधिक काळापासून मंदिराच्या जमिनीवर ताबा घेतला आहे, त्यांना प्रति एकर 6 लाख रुपये द्यावे लागतील.तर ज्या लोकांनी 30 वर्षांपेक्षा कमी आणि 20 वर्षांपेक्षा जास्त काळापेक्षा ताबा घेतला आहे त्यांना प्रति एकर 9 लाख रुपयांप्रमाणे पैसे द्यावे लागतील. 

हेही वाचा - पश्चिम बंगालमध्ये हिंसा टीपेला; 15 ठिकाणी बॉम्बहल्ले; भाजपची निवडणूक आयोगाकडे धाव

315.337 एकर जमिनीची आधीच विक्री
याशिवाय, ज्या लोकांनी 20 वर्षांपेक्षा कमी मात्र 12 वर्षांपेक्षा अधिक काळापासून मंदिराच्या जमिनीवर ताबा घेतलाय त्यांना प्रति एकर 15 लाख रुपये भरावे लागतील. राज्य सरकारने कटक शहरातील भारती मठ भवनसहित जगन्नाथ मंदिराची 315.337 एकर जमीनीची आधीच विक्री करुन टाकली आहे. जमिनीच्या विक्रीमधून मिळालेले 11.20 कोटी रुपये मंदिराच्या कॉर्पस फंडात जमा केले आहे.