पंतप्रधान नरेंद्र मोदी यांचे अमेरिकेतील कंपन्यांना आवाहन

Narendra-Modi
Narendra-Modi

नवी दिल्ली - आरोग्य, पायाभूत सुविधा, संरक्षण, ऊर्जा, विमा या क्षेत्रांमध्ये गुंतवणूक करण्याचे आवाहन आज पंतप्रधान नरेंद्र मोदी यांनी अमेरिकेतील कंपन्यांना केले. भारतामध्ये गुंतवणुकीच्या भरपूर संधी व पर्याय आहेत, असेही त्यांनी स्पष्ट केले. 

- पुण्याच्या बातम्या वाचण्यासाठी येथे ► क्लिक करा

‘जगाला चांगल्या भविष्याची गरज आहे हे आपण सर्वजण मान्य करतो. आपल्या सर्वांनाच एकत्रितरित्या भविष्याला आकार द्यायचा आहे. भविष्याकडे पाहण्याचा आपला दृष्टिकोन अधिक मनुष्य केंद्रित असणे आवश्यक आहे,’ असे मत मोदी यांनी व्यक्त केले. अमेरिका भारत बिझिनेस कौन्सिलच्या इंडिया आयडिया समीटमध्ये बोलताना पंतप्रधानांनी हे आवाहन केले. ‘आत्मनिर्भर भारत योजनेच्या माध्यमातून आम्ही समृद्ध भारत आणि जगासाठी योगदान देत आहोत. 

संरक्षण क्षेत्रातील उदयोन्मुख भागीदार - पॉम्पिओ
‘भारत हा अमेरिकेचा संरक्षण क्षेत्रातील उद्योन्मुख भागीदार आहे,’ असे वक्तव्य अमेरिकेचे परराष्ट्र मंत्री माईक पॉम्पिओ यांनी केले. तसेच पुढील जी ७ परिषदेसाठी पंतप्रधान नरेंद्र मोदी यांना निमंत्रण दिल्याचेही त्यांनी सांगितले.

भारताचे मोठे सहकार्य - केनेथ जस्टर
`भारताने जगभरातील १०० हून अधिक देशांना औषधे उपलब्ध करून दिली आहेत. दोन्ही देशांमधील सहकार्य उत्तम आहे. अमेरिकेचे अध्यक्ष डोनाल्ड ट्रम्प यांच्या दौऱ्यानंतर ट्रम्प आणि पंतप्रधान मोदी यांच्यात अनेकदा संभाषण झाले आहे. आम्ही मैत्रीचे रुपांतर सर्वसमावेशक जागतिक राजनैतिक भागीदारीत रूपांतरीत केले आहे ,’ असे मत अमेरिकेचे भारतातील राजदूत केनेथ जस्टर यांनी व्यक्त केलं.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com