सोनिया गांधींनी घेतली निवडक सहकाऱ्यांसोबत बैठक; प्रशांत किशोर यांच्या प्रस्तावाबाबत प्रचंड असंतोष | Sakal
sakal

बोलून बातमी शोधा

Sonia Gandhi and Prashant Kishor

सोनिया गांधींनी घेतली बैठक; प्रशांत किशोर यांच्या प्रस्तावाबाबत असंतोष

नवी दिल्ली : काँग्रेस अध्यक्ष सोनिया गांधी (Sonia Gandhi) यांनी सोमवारी निवडक सहकाऱ्यांसोबत महत्त्वाची बैठक घेतली. बैठकीत पक्षाच्या पुनरुज्जीवनासाठी निवडणूक रणनीतीकार प्रशांत किशोर यांचा प्रस्ताव आणि २०२४ च्या सार्वत्रिक निवडणुकीच्या गेम प्लॅनवर चर्चा केली. यावेळी प्रशांत किशोर यांनी एक प्रस्ताव आणला ज्याअंतर्गत काँग्रेस ३७० जागांवर निवडणूक लढवू शकते. काही राज्यांमधील जागांवर मित्र पक्षांसोबत युती करू शकते, असे सूत्रांनी सांगितले.

प्रशांत किशोर यांनी सुचवले आहे की, काँग्रेसने (congress) यूपी, बिहार आणि ओडिशामध्ये एकट्याने लढावे, तर तामिळनाडू, पश्चिम बंगाल आणि महाराष्ट्रात युती करावी. याला राहुल गांधीही सहमत आहेत. या प्रस्तावावर विचार करण्यासाठी काँग्रेसकडे २ मेपर्यंत वेळ असल्याचे वृत्तसंस्था एएनआयने अज्ञात सूत्रांच्या हवाल्याने म्हटले आहे.

हेही वाचा: असदुद्दीन ओवैसींचा प्रश्न; दिल्ली पोलिसांना भूमिकेवर म्हणाले...

सोनिया गांधी (Sonia Gandhi) यांच्या १० जनपथ रोडवरील निवासस्थानी झालेल्या बैठकीत सरचिटणीस प्रियांका गांधी, पक्षाचे ज्येष्ठ नेते मुकुल वासनिक, रणदीप सिंग सुरजेवाला आणि अंबिका सोनी उपस्थित होते. मात्र, राज्यांमध्ये काँग्रेसचे थेट प्रतिस्पर्धी असलेल्या आणि देशातील सर्वांत जुन्या पक्षाशी चांगले संबंध नसलेल्या नेत्यांशी हातमिळवणी करीत असल्याने प्रशांत किशोर (prashant kishor) आणि त्यांच्या प्रस्तावाबाबत काँग्रेसमध्ये प्रचंड असंतोष पसरला आहे.

या नेत्यांमध्ये बंगालच्या मुख्यमंत्री आणि टीएमसीच्या प्रमुख ममता बॅनर्जी, आंध्र प्रदेशचे मुख्यमंत्री जगन मोहन रेड्डी आणि तेलंगणाचे मुख्यमंत्री के चंद्रशेखर राव यांचा समावेश आहे. प्रशांत यांच्या आयपीएसी संस्थेने ममता आणि जगनमोहन यांची निवडणूक प्रचार मोहीम यशस्वीपणे पार पाडली आहे.

हेही वाचा: Omicron मुळे लहान मुलांमध्ये हृदयविकार वाढण्याची शक्यता!

गांधी घराण्याकडे मोर्चा

प्रशांत किशोर यांनी गेल्या आठवड्यात गांधी कुटुंबासोबत भेट केल्यानंतर त्यांची काँग्रेसमध्ये (congress) प्रवेश करण्याच्या चर्चांना वेग आला होता. परंतु, या मुद्द्यावर अंतिम करार होऊ शकला नाही. मात्र, प्रशांत किशोर (Sonia Gandhi) यांनी पक्षाला नवसंजीवनी देण्यासाठी गांधी घराण्याकडे मोर्चा वळवल्याचे सूत्रांकडून समजते.

Web Title: Sonia Gandhi Held A Meeting With Selected Colleagues Huge Dissatisfaction With The Proposal Prashant Kishor Congress

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..