दहशतवाद्यांचं घृणास्पद कृत्य, तहसील कार्यालयातील कर्मचाऱ्याची गोळ्या झाडून हत्या I Terrorist | Sakal
sakal

बोलून बातमी शोधा

Jammu and Kashmir

जम्मू-काश्मीरमध्ये दहशतवाद्यांच्या नापाक हरकती वाढताना दिसत आहेत.

दहशतवाद्यांचं घृणास्पद कृत्य, तहसील कार्यालयातील कर्मचाऱ्याची गोळ्या झाडून हत्या

जम्मू-काश्मीरमध्ये (Jammu and Kashmir) दहशतवाद्यांच्या (Terrorist) नापाक हरकती वाढताना दिसत आहेत. ते सतत सर्वसामान्यांना टार्गेट करत आहेत. दरम्यान, गुरुवारी बडगाम जिल्ह्यातील (Budgam District) चदूरा तहसील कार्यालयाजवळ (Chadoora Tehsil Office) गोळीबार झाल्याची घटना समोर आली असून तहसीलदार कार्यालयातील राहुल भट या कर्मचाऱ्यावर दहशतवाद्यांनी गोळीबार केलाय. गोळीबारानंतर राहुल भट यांना रुग्णालयात दाखल करण्यात आलं. मात्र, उपचारादरम्यान त्यांचा मृत्यू झाल्याची माहिती जम्मू-काश्मीर पोलिसांनी (Jammu & Kashmir Police) दिलीय.

दहशतवादी कारवायांमध्ये हात असल्याची यासिन मलिककडून कबुली

जम्मू-काश्मीर फुटीरतावादी नेता मोहम्मद यासिन मलिकनं काल दिल्ली एनआयए न्यायालयात दहशतवादाशी संबंधित सर्व गुन्ह्यांची कबुली दिली असल्याची महत्वाची माहिती समोर आलीय. मलिक याच्यावर दिल्ली उच्च न्यायालयात बेकायदेशीर क्रियाकलाप प्रतिबंध कायदा (यूएपीए) यासह दहशतवादाशी संबंधित अनेक खटले दाखल आहेत. विशेष न्यायाधीश प्रवीण सिंह या प्रकरणावर येत्या १९ मे रोजी सुनावणी घेणार असल्याचं सांगण्यात येत आहे.

हेही वाचा: मनी लॉन्ड्रिंग प्रकरण : ईडीच्या अटकेत असलेल्या IAS अधिकारी पूजा सिंघल निलंबित

आपल्यावर लावण्यात आलेल्या आरोपांना यापुढं आव्हान देणार नसल्याचं मलिकनं स्पष्ट केलंय. तसेच विशेष न्यायाधीश प्रवीण सिंह १९ मे रोजी यासिन मलिकच्या गुन्ह्याची शिक्षा सुनावणार आहेत. या प्रकरणांमध्ये मलिकला जन्मठेपेची शिक्षा होऊ शकते. दरम्यान, विशेष न्यायालयानं काश्मिरी फुटीरतावादी फारुख अहमद दार उर्फ ​​बिट्टा कराटे, शाबीर शाह, मसरत आलम, मोहम्मद युसूफ शाह, आफताब अहमद शाह, अल्ताफ अहमद शाह, नईम खान, मोहम्मद अकबर खांडे, राजा मेहराजुद्दीन कलवाल, बशीर अहमद बट, जहूर अहमद यांना अटक करण्याचे आदेश दिले आहेत.

Web Title: Terrorists Fired Bullets At An Employee Rahul Bhat At Tehsildar Office Chadoora In Budgam

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top