तिसरा झटका! योगींच्या मंत्रिमंडळातील तिसरा मंत्री 'सायकल'वर स्वार

तिसरा झटका! योगींच्या मंत्रिमंडळातील तिसरा मंत्री 'सायकल'वर स्वार
Updated on

लखनऊ : यूपीमध्ये निवडणुकीपूर्वी भाजपला अनेक धक्के बसत असून, पहिल्या टप्प्यातील निवडणुकीची अधिसूचना जारी होण्यापूर्वीच उत्तर प्रदेश सरकारचे कामगार आणि रोजगार मंत्री स्वामी प्रसाद मौर्य यांनी भाजपला रामराम केला आहे. भाजप सरकार दलित, मागास, तरुण, शेतकरी, बेरोजगार आणि वंचितांकडे दुर्लक्ष करत असल्याचा आरोप करत त्यांनी मंत्रिपदाचा राजीनामा दिला आहे. मौर्य यांच्या राजीनाम्यानंतर दुसऱ्याच दिवशी वनमंत्री दारा सिंह चौहान यांनीही राजीनामा दिला आहे. तर, गुरुवारी योगी सरकारमधील आणखी एक मंत्री धरमसिंह सैनी यांनी देखील राजीनामा दिला आहे. बहुतांश आमदार आणि मंत्री समाजवादी पार्टीमध्ये सामील होत आहेत.

तिसरा झटका! योगींच्या मंत्रिमंडळातील तिसरा मंत्री 'सायकल'वर स्वार
UP : भाजपला सलग 12 वा धक्का, आमदाराचा राजीनामा

त्यांचा पक्षात प्रवेश केल्यानंतर समाजवादी पक्षाचे प्रमुख अखिलेश यादव यांनी म्हटलंय की, 'सामाजिक न्याया'चे आणखी एक योद्धे डॉ. धरमसिंह सैनीजी यांच्या आगमनाने आपल्या 'सकारात्मक आणि पुरोगामी राजकारणाला' अधिक उत्साह आणि बळ मिळाले आहे. सपामध्ये त्यांचे हार्दिक स्वागत आहे आणि शुभेच्छा आहेत! 2022 साली सर्वसमावेशकतेचा आणि सुसंवादाचा विजय होणार याची खात्री आहे! त्याखाली त्यांनी 'मेला होबे!' असा हॅशटॅगही जोडला आहे.

तिसरा झटका! योगींच्या मंत्रिमंडळातील तिसरा मंत्री 'सायकल'वर स्वार
यूपीत 2017 च्या तुलनेत भाजपला मोठा विजय मिळेल - केशव प्रसाद मौर्य

उत्तर प्रदेशसहित पाच राज्यांमध्ये (Uttar Pradesh) निवडणुकांचं बिगुल वाजलेलं आहे. यूपीमध्ये निवडणुकीच्या तोंडावरच पक्षाला घरघर लागली आहे. आतापर्यंत योगी सरकारमधील तीन मंत्र्यांनी राजीनामा दिला असून आणखी काही आमदार पक्षाला रामराम ठोकण्याची शक्यता आहे. दरम्यान, योगी आदित्यनाथ (Yogi Adityanath) यांना पहिला झटका देणाऱ्या स्वामी प्रसाद मौर्य (Swami Prasad Maurya) यांच्या अटकेसाठी अटक वॉरंट जारी करण्यात आलं आहे. एका जुन्या खटल्यामध्ये त्यांना हे वारंट बजावण्यात आलंय.

तिसरा झटका! योगींच्या मंत्रिमंडळातील तिसरा मंत्री 'सायकल'वर स्वार
आणखी चार आमदार यूपी भाजप सोडतील; शरद पवार यांचं सुतोवाच

दुसरीकडे राष्ट्रवादी काँग्रेसचे प्रमुख शरद पवार यांनी म्हटलंय की, आता एकही दिवस असा नाहीये जात ज्या दिवशी भाजपचा एखादा नेता पक्ष सोडत नाहीये. उदाहरणासाठी यूपीचं घ्या. त्याठिकाणी 13 आमदार दुसऱ्या पक्षास सामील होण्यासाठी भाजपची साथ सोडत आहेत. मला असं समजलंय की, भाजपचे आणखी चार आमदार आजच पक्ष सोडत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com