युपीचं 'भंगार' धोरणं; देशातील ठरलं पहिलं राज्य

नवी दिल्ली : देशात भंगार धोरण लागू करणारं उत्तर प्रदेश (Uttar Pradesh) हे पहिलं राज्य ठरलं आहे. यामुळं विशिष्ट कालावधीनंतर जुनी झालेली वाहनं वापरता येणार नाहीत. अशी अनफीट वाहनं रस्त्यावर दिसल्यास ती जप्त करण्यात येऊन थेट भंगार केंद्रात पाठवण्यात येणार आहे. (Uttar Pradesh Scrap policies became the first state in the country)

उत्तर प्रदेश सरकारनं आणलेलं हे भंगार धोरण १५ वर्षे जुनी पेट्रोल आणि १० वर्षे जुनी डिझेल वाहनं फिटनेसशिवाय रस्त्यावर धाऊ शकणार नाहीत. पण जर अशी अनफीट वाहनं तपासणी पथकालाच्या हाती लागली तर ती जप्त करुन भंगार केंद्रात पाठवली जाणार आहेत. लखनऊ परिवहन विभागानं हे धोरणं लागूही केलं आहे. विशेष म्हणजे भंगारात पाठवलेल्या अशा वाहनांची योग्य ती किंमतही वाहन मालकाला मिळणार आहे. यामुळं गुन्ह्यांमध्ये घट होईल, अशी आशा सरकारनं व्यक्त केली आहे.

काय आहे प्रक्रिया?

सरकारनं निश्चित केलेल्या नियमांनुसार जर वाहनांचं वय उलटून गेलं असेल तर लोकांना स्क्रॅपसाठी अर्ज करता येणार आहे. यासाठी परिवहन विभागानं ऑनलाईन नोंदणीही सुरु केली आहे. युपीच्या परिवहन विभागाच्या वेबसाईटवर आपलं वाहनं स्क्रॅप म्हणून घोषित करण्यासाठी अर्ज करता येणार आहे. यामध्ये कुठलीही व्यक्ती, संस्था अर्ज करु शकतात. अर्ज करताना स्टॅम्पपेपरसह कागदपत्रे अपलोड करावी लागणार आहेत.