बिहारच्या गया जिल्ह्यात प्रेमीयुगुलाला (Lovers) मारहाण केल्याचा व्हिडिओ व्हायरल होत आहे. हे प्रकरण कोंच पोलिस ठाण्याच्या हद्दीतील आहे. जिथे कडाक्याच्या उन्हात शेताच्या काठावर निर्जन ठिकाणी गावकऱ्यांनी प्रेमीयुगुलाला आक्षेपार्ह अवस्थेत पकडले. यानंतर घटनास्थळी ग्रामस्थांची गर्दी झाली होती. मुलगी गावकऱ्यांच्या पाया पडते आणि सोडून द्या, अशी विनवणी करते. मात्र, गावकऱ्यांनी या घटनेचा व्हिडिओ तयार केला आणि व्हायरल केला. (Villagers caught Lovers in an offensive position)
गर्दीतून कोणीतरी प्रेमीयुगुलाची (Lovers) जात आणि पत्ता विचारत आहे. जात आणि पत्ता चुकीचा सांगितल्याच्या संशयातून एकाने तरुणाला थापड मारली. व्हायरल झालेल्या व्हिडिओमध्ये तरुण आणि तरुणीची जात विचारली जाते आणि नंतर पत्ता विचारला जात असल्याचे स्पष्टपणे दिसत आहे. यानंतर गावकरी दोघांचे लग्न लावण्याचे बोलतात. मात्र, मुलगी लग्नाला तयार होत नाही.
गावकऱ्यांना तरुण सांगतो की, मुलगी भावाची मेहुणी आहे. जमावाने तरुणाच्या दुचाकीच्या चाव्याही हिसकावून घेतल्या. चुकीची जात आणि पत्ता सांगितल्यामुळे जमावातील काही लोक मुलीच्या चेहऱ्यावरून दुपट्टा ओढतात. त्यावर मुलगी गावकऱ्यांच्या पाया पडते आणि सोडून द्या, अशी विनवणी करते. गावकऱ्यांनी या घटनेचा व्हिडिओ (Video viral) तयार केला आणि व्हायरल केला.
मुलीच्या तक्रारीवरून गुन्हा दाखल
व्हायरल झालेल्या व्हिडिओची चौकशी केली आहे. हा व्हिडिओ गयाच्या कोंच पोलिस स्टेशन परिसरातील आहे. मुलीच्या तक्रारीवरून गुन्हा दाखल करण्यात आला आहे, असे गयाचे अतिरिक्त एसपी मनीष कुमार यांनी सांगितले. मी नातेवाइकासोबत गेली होती. वाटेत गावातील काही लोकांनी गैरवर्तन केले, असे मुलीने पोलिसांना सांगितले. सहा जणांविरुद्ध गुन्हा दाखल करण्यात आला आहे. अद्याप कोणालाही अटक करण्यात आलेली नाही. अटकेसाठी छापे टाकण्यात येत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.