Video: कुत्र्याच्या पिल्लाचे घरात अनोखे स्वागत!

नवी दिल्लीः सोशल मीडियावर अनेक व्हिडिओ व्हायरल होत असतात. मात्र, काही व्हिडिओ वेगाने व्हायरल होतात. असाच एक व्हिडिओ म्हणजे कुत्र्याच्या पिलाचे घरात झालेल्या स्वागताचे. संबंधित व्हिडिओ व्हायरल होत आहे.

Video: लाकूडतोड्याने कापला शेंडा; पुढे काय झाले पाहा...

कुत्रा हा प्रामाणिक प्राणी आहे. अनेकांच्या कुटुंबातील तो सदस्य असतो. मुलांप्रमाणे त्यांचे लाड केले जातात. कुत्रा आणि कुटुंबातील सदस्यांचे एक नाते निर्माण होते. कुत्रा अनेकदा कुटुंबातील सदस्यांची काळजी घेताना दिसतो. शिवाय, प्राणाची बाजी लावून संरक्षण करताना दिसतो. प्राणी आणि मनुष्यांच्या प्रेमाचे अनेक व्हिडिओ सोशल मीडियात व्हायरल होताना दिसतात. असाच एक व्हिडिओ आहे की, ज्यामध्ये कुत्र्याच्या पिल्लाचे घरात अनोख्या पद्धतीने स्वागत केले जात आहे.

व्हिडिओमध्ये पाहायला मिळते की, 'एखाद्या नव्या नवरीने नव्या घरात प्रवेश करावा त्याप्रमाणे कुत्र्याच्या पिल्लाचे स्वागत करण्यात आले आहे. कुत्र्याच्या पिल्लाल घरात आणण्यापूर्वी दरवाज्यात फुले टाकलेली आहेत. पंजाना लाल रंगाच्या थाळीमध्ये बुडवून एका पांढऱ्या कागदावर त्याच्या पंजाचे निशाण घेतले. घरातील दुसऱ्या एका युवतीने त्याला ओवाळून टिळा लावला आणि त्याच स्वागत केले. त्याच्यावर फुलाच्या पाकळ्यांचा वर्षावही केला. मिठाई खायला देऊन त्याचे तोंड गोड करण्यात आले. शिवाय, कभी खुशी कभी गम चित्रपटाचे टायटल गाणेही लावले आहे.'

Video: मोटार चालवत असताना साप लागला डुलायला

दरम्यान, कुत्र्याच्या पिल्लाचे अनोख्या पद्धतीने झालेल्या स्वागताचा व्हिडिओ व्हायरल होत असून, नेटिझन्स प्रतिक्रियांच्या माध्यमातून व्यक्त होताना दिसतात.