धक्कादायक ! कोरोना झाल्याच्या भितीने महिला अधिकाऱ्याची आत्महत्या

नवी दिल्ली : कोरोना झाल्याच्या भितीतून एका महिला अधिकाऱ्याने आत्महत्या केल्याची घटना समोर आली आहे. अरुणाचल प्रदेश येथे महिला अधिकाऱ्याने शुक्रवारी (ता.०३) आपल्या राहत्या घरीच आत्महत्या केल्याची घटना उघडकीस आली आहे. कोरोना व्हायरसच्या पार्श्वभूमीवर कामाचा ताण सहन न झाल्याने या महिला अधिकारी त्रस्त होत्या, तसेच कोरोना-कोविड १९ रोगाची भीतीही होती. त्यामुळे या महिला अधिकाऱ्याने आत्महत्या केल्याचं तिच्या कुटुंबीयांनी सांगितलं आहे.

बातम्या ऐकण्यासाठी डाऊनलोड करा ई-सकाळचे ऍप

पोलिसांच्या म्हणण्यानुसार, पापुम पारे येथे आपत्ती निवारण अधिकारी शेरिंग युंगजोम (३८) या महिला अधिकाऱ्यांनी जिल्हा उपायुक्त यांना उद्देशून आपले राजीनामा पत्र लिहून बाथरुममध्ये स्वत:ला फाशी लावून घेतली. त्यांच्या रुममधील एका टेबलवर हे पत्र मिळाल्याचे स्थानिक पोलिसांनी सांगितलं आहे. संबंधित अधिकारी महिलेल्या कुटुंबीयांनी मानसिक आणि शारिरीक त्रास सहन न झाल्याने आणि कोरोनाग्रस्त असल्याची भीती वाटल्याने आत्महत्या केल्याचं म्हटलं आहे.

Coronavirus : पंतप्रधान मोदी साधणार विरोधी पक्षाच्या नेत्यांशी संवाद

दरम्यानन, देशातील इतर राज्यांतूनही अशी प्रकरणे समोर येत आहेत. कोरोना संसर्गाच्या भीतीने काही जणांकडून आत्महत्यासारखे पाऊल उचलण्याचे प्रयत्न होत आहेत. काही दिवसांपूर्वीच उत्तर प्रदेशच्या सहानपूर येथील एका व्यक्तीने कोरोना संक्रमणाच्या भीतीने आत्महत्या केली होती. तत्पूर्वी, जगभरात वेगाने पसरणाऱ्या कोरोनाचा कहर भारतातही पाहायला मिळत आहे. भारतातील कोरोनाग्रस्तांचा आकडा हा दिवसागणिक वाढत आहे. देशातील कोरोनाग्रस्तांचा आकडा वाढून ३५०० वर पोहोचला आहे. कोरोनाने देशातील जवळपास १०० जणांना आपला जीव गमवावा लागला आहे. कोरोनाचा संसर्ग रोखण्यासाठी लॉकडाऊनची घोषणा करण्यात आली असून योग्य ती खबरदारी घेतली जात आहे. कोरोनाचा सर्वाधिक धोका हा २१ ते ४० वर्षे वयोगटातील लोकांना असल्याची माहिती समोर आली आहे.