Pune Weekend Treat : पदार्थ दिसतात खरे नॉन व्हेज सारखे पण आहेत प्यूअर व्हेज! फूडी लोकांसाठी परफेक्ट वीकेंड ट्रीट

Pune Weekend Treat : नॉन व्हेज पदार्थांची एक गंमत म्हणजे त्यांच्यात वापरलेले मसाले, कित्येक बायका घरात नॉन व्हेज मसालेही घेऊन येतात आणि आपल्या रेग्युलर भाजींमध्ये वापरतात, अर्थात त्याची चव खूप चांगली असते. पण नॉन व्हेज सगळेच खात नाही; काही लोकं प्यूअर व्हेज असतात.

आपल्या आजूबाजूलाही असे लोकं आपण बघत असू जे नॉन व्हेज खात नाही आणि त्यांना त्यांचे मित्र यावरून चिडवत असतात, पण आता हे चिडवणं बंद होऊ शकतं. पुण्यात असं एक भन्नाट रेस्ट्राॅरंट उघडलं आहे जिथे तुम्ही सगळे नॉन व्हेज सारखे दिसणारे पदार्थ खाऊ शकतात कारण ते प्यूअर व्हेज आहेत. इथली खाशियात अशी आहे की, इथले पदार्थ दिसायला नॉन व्हेज सारखे दिसतील याची खात्री घेतलेली आहे, पण ते खरंतर प्यूअर व्हेज आहेत.

नक्की कुठे आहे हे रेस्ट्राॅरंट

रंगीन असं या रेस्ट्राॅरंटच नाव असून हे गोखलेनगर, एस. बी. रोड, पुणे इथे आहे. रेग्युलर रेस्ट्राॅरंट सारखं रेस्ट्राॅरंट असलं तरी सर्व्ह करणाऱ्या तब्बल 450 हूनही जास्त प्यूअर व्हेज पण तरीही अगदी हुबेहूब नॉन व्हेज सारख्या दिसणाऱ्या डिशेज मुळे लोकांसाठी वेगळंच आकर्षण बनल आहे.

अनलिमिटेड ब्रेकफास्टची सोय

जर तुम्ही इथे सकाळी 7 ते 12 मध्ये आलात तर तुम्ही इथे अनलिमिटेड ब्रेकफास्ट खाऊ शकतात, आणि तेही फक्त 135 रुपयांमध्ये.

बॉलीवुड थीम

या रेस्ट्राॅरंटच पूर्ण इंटिरियर बॉलीवूड थीमने पेंट केलेलं आहे, त्यामुळे इथे तुम्हाला अनेक जुन्या आणि हिट चित्रपटांचे सीन रंगवलेले दिसतील. आणि तुम्ही आपल्या आवडत्या चित्रपटाच्या सीनसोबत बसून आपलं फूड एंजॉय करू शकतात.