Dessert Recipe: रविवार स्पेशल तयार करा हे टेस्टी डेझर्ट तेही घरच्या घरी...

Keshar Pista Falooda: रविवार म्हटला की काहीना काही चमचमीत खायचं असतं, थंडी अजूनही कमी झाली नाहीये पण आपल्या आवडत्या आईसक्रीमची आठवण येत असेल ना? एखादा दिवस चिट डे तसा चालतो... अगदी आईसक्रीम नसेल खायचं तर केशर पिस्ता फालूदा तसा वाईट ऑप्शन नाहीये... शिवाय तुम्ही हा फालूदा थोडा नॉर्मल असतांनाही खाऊ शकतात.

साहित्य:

२५० मिली दूध

१२-१५ केशर

२ चमचे सब्जा बिया

२ चमचे फालुदा शेव

८-१० पिस्ते बारीक चिरून

२ स्कूप केसर पिस्ता आईस्क्रीम

४ चमचे साखर

कृती:

- सर्व प्रथम साखर आणि केशर घालून दूध उकळवा.

- नंतर दुधात पिस्ते टाकून गॅस बंद करून दूध थंड होऊ द्या.

- सब्जाच्या बिया पाण्यात भिजवून १/२ तास ठेवा.

- फालुदा उकळून गाळून बाजूला ठेवा.

- सब्जाच्या बिया फुगल्या की पाणी काढून बाजूला ठेवा.

- दूध थंड झाल्यावर त्यात सब्जाच्या बिया आणि फालूदा शेव मिक्स करा.

- आता ग्लासमध्ये १/३ इतकं दूध भरा.

- नंतर १ स्कूप आईस्क्रीम टाका आणि केशरने सजवा आणि थंड सर्व्ह करा.