Crypto Crime News : खंडणीसाठी 23 वर्षीय 'क्रिप्टो किंग'चं अपहरण; मारहाण करून केला छळ

Crypto Crime News : कॅनडामधील स्वयंघोषित "क्रिप्टो किंग" एडन प्लेटर्स्कीचे डिसेंबरमध्ये 3 दशलक्ष डॉलर खंडणी मागणाऱ्या हल्लेखोरांनी अपहरण करून त्याच्यावर अत्याचार केले होते, असे त्याच्या वडिलांच्या हवाल्याने अहवालात म्हटले आहे.

प्लेटर्स्की दिवाळखोरीच्या कारवाईला सामोरा जात आहे. कारण प्लेटर्स्कीवर गुंतवणूकदारांनी घोटाळा केल्याचा आरोप आहे. कॅनडामधील संबंधित अधिकारी सध्या लाखो रुपये वसूल करण्याचा प्रयत्न करीत आहेत. (23-year-old crypto king kidnapped, tortured over 3 million dollar ransom)

प्लॅटर्स्कीने गुंतवणूकदारांकडून मिळालेल्या बहुतेक पैशांचा वापर त्याच्या वैयक्तिक सुखासाठी केला आहे. ज्यात खाजगी जेट, लक्झरी कार आणि परदेश दौरे यांचा समवेश आहे. असे CBC न्यूजने वृत्त दिले आहे. प्लेटर्स्कीने गुंतवणूकदारांकडून मिळालेल्या 40 दशलक्ष डॉलर पैकी फक्त दोन टक्क्यांहून कमी गुंतवणूक केली आहे, असे कागदपत्रांमध्ये म्हटले आहे.

CTV न्यूज टोरंटोच्या वृत्तानुसार, त्याच्या वडिलांनी त्याच्या सुटकेनंतर त्याच महिन्यात कोर्टात सांगितले की, प्लेटर्स्कीचे डिसेंबरमध्ये मध्यरात्री टोरंटो शहरामधून अपहरण करण्यात आले आणि सुमारे तीन दिवस दक्षिण ओंटारियोच्या आसपास नेले.

प्लेटर्स्कीला अपहरणकर्त्यांनी मारहाण केली आणि छळ केला असा आरोप त्याच्या वडिलांनी केला.प्लेटर्स्कीला खंडणी म्हणून 3 दशलक्ष डॉलर मागितले, असे त्याच्या घरमालकाने सांगितले.

"एडनने एक व्यवसाय चालवत होता. त्याने लोकांना सांगितले की तो त्यांचे पैसे गुंतवेल आणि त्यांना नफा कमवून देईल पण त्याने तसे केले नाही," या प्रकरणातील विश्वस्त रॉब स्टेल्झर यांनी वृत्तवाहिनीला सांगितले.

प्लेटर्स्कीकडे 10 पेक्षा जास्त स्पोर्ट्स कार आहेत, ज्यात 1.6 दशलक्ष डॉलर मॅक्लारेन सेन्ना ही एक दुर्मिळ कर आहे. CTV न्यूज टोरंटोने न्यायालयाच्या कागदपत्रांचा हवाला देत वृत्त दिले आहे.