तेहरान : कोरोनाने जगभरात थैमान घातले असून चीनसह इराणमध्येही कोरोनाचा फटका बसला आहे. पण, इराणमध्ये कोरोनापेक्षाही एका भयंकर गोष्टीमुळे नागरिकांनी जीव गमावला आहे. दारू प्यायल्याने कोरोना बरा होतो, अशी अफवा इराणमध्ये पसरली होती, त्यामुळे तेथील काही लोकांनी दारूचे प्राशन केले, मात्र ती दारू विषारी असल्याने ४४ जणांचा मृत्यू झाला आहे.
दारू प्यायल्याने कोरोनाचा संसर्ग रोखता येऊ शकतो, अशी अफवा इराणमध्ये पसरली होती, त्यामुळे अनेकांनी या दारूचे प्राशन केले व त्यामुळे त्यांना त्रास झाला. यातील ४४ जणांना आपला जीव गमवावा लागला. विषारी दारू प्यायलेल्या २७० जणांना रूग्णालयात दाखल करण्यात आले आहे, अशी माहिती इरना न्यूजच्या रिपोर्टमध्ये दिली आहे. विषारी दारू विकणाऱ्या विक्रेत्यांना देशातील अनेक ठिकाणांहून अटक कण्यात आली आहे.
इराणमध्ये कोरोनामुळे मृत पावलेल्यांचा आकडा २९१ वर पोहोचला आहे. मंगळवारी इराणमध्ये ५४ व्यक्तिंचा कोरोनामुळे मृत्यू झाला याशिवाय ४४ जणांचा विषारी दारूमुळे मृत्यू झाला आहे. पश्चिम आशियातील देशांना कोरोनाचा चांगलाचा फटका बसला असून इराण, इारकसह, सौदी अरेबियातही या रोगाचा प्रसार झाला आहे.
भारतात अद्याप कोरोनामुळे कोणाचाही मृत्यू झाला नसला, तरी देशात साधारण ५५ कोरोनाबाधित रूग्ण सापडले आहेत. विमानाने प्रवास करणाऱ्या सर्व प्रवाशांना थर्मल स्क्रिनिंग करणे बंधनकारक आहे. पुण्यात कोरोनाचे ५ रूग्ण आढळून आले आहेत, त्यांच्यावर उपचार सुरू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.