शिक्षकाने चार महिने सुरू ठेवला शाळेतील नळ, चक्क अडीच लाख बिल आले

कोरोनामुळे आपण स्वत:चे संरक्षण करणे शिकलाय. कोरोनापासून स्वत:ला सुरक्षित ठेवण्यासाठी आपण मास्क, सॅनिटायझर वापरत असतो मात्र जपानमध्ये एका शिक्षकाने कोरोना व्हायरस संसर्ग होऊ नये यासाठी अनेक महिने शाळेतील पाण्याचा नळ चक्क चालू ठेवला.यात धक्कादायक म्हणजे यामुळे जपानी शाळेला 27,000 डॉलर पाण्याचे बिल आले आहेत.

या शिक्षकाची अद्याप ओळख पटलेली नाही. या शिक्षकाला वाटले की शाळेच्या स्विमिंग पुलमध्ये सतत ताजे पाणी वाहूत राहल्याने ते कोरोना मुक्त राहील. त्यामुळे त्यांनी जूनच्या शेवटीपासून ते सप्टेंबरच्या सुरुवातीपर्यंत नळ चालू ठेवला.

खरतर क्लोरीन आणि फिल्टरिंग मशीन पूलच्या पाण्याची गुणवत्ता राखतात. परंतु सतत येणारे नवीन पाण्याने कोरोना रोखण्यास मदत होईल, असा चुकीचा समज झालाय. मात्र त्यामुळे मोठी किंमत शाळेला मोजावी लागली आहे.

जुन ते सप्टेंबर महिन्यादरम्यान शाळेतील इतर कर्मचारी सदस्यांनी चालू असलेला टॅप पाहिला असता अधूनमधून तो बंद केला परंतु या शिक्षकाला दिसताच तो पुन्हा नळ सुरु करायचा. यामुळे अंदाजे 4,000 टन जास्तीचे पाणी फक्त दोन महिन्यांत वाया गेले. याप्रकरणी पोलिस तपास करत आहे. मात्र घटनेची सर्वत्र चर्चा सुरु आहे