गर्लफ्रेंडसोबत भांडण पडलं महागात, रागाच्या भरात केले ४० कोटींचे नुकसान

हल्ली गर्लफ्रेंड बॉयफ्रेंडची भांडण सामान्य गोष्ट झाली आहे. अगदी छोट्या छोट्या गोष्टीवरुन या नात्यात भांडणे होत असतात. अश्याच एका गर्लफ्रेंडसोबतच्या भांडणानंतर तरुणाने जे केले, ते थक्क करणारं आहे. एका तरुणाचं गर्लफ्रेंडसोबत भांडण झालं आणि या भांडणानंतर तरुणाने रागाच्या भरात ४० कोटींचं नुकसान केलंय. सध्या हे प्रकरण सोशल मीडियावर व्हायरल होत आहे.

अमेरिकेतील डॅलस शहरात राहणाऱ्या तरुणाने ब्रायन हर्नांडेझ याने आपल्या गर्लफ्रेंडशी भांडण केल्यानंतर एका संग्रहालयाची तोडफोड करण्यास सुरुवात केली. त्याने एका म्युझियममध्ये घुसून 2,500 वर्षे जुन्या जवळपास तीन प्राचीन ग्रीक कलाकृती रागाच्या भरात फोडल्या. या कलाकृतींची किंमत जवळपास 40 कोटी रुपये आहे.

विशेष म्हणजे त्याने स्वत: पोलिसांना याबाबत माहिती दिली व त्यानंतर पोलिसांनी त्याला अटक केली. पोलिसांनी त्याला कारण विचारले असता त्याने गर्लफ्रेंडशी भांडण झाल्यानंतर रागाच्या भरात आपण हे कृत्य केल्याचे सांगितले.

ब्रायनने स्वत: पोलिसांना याबाबत माहिती दिली. मात्र पोलिसांना घटनेचा तपास करताना सीसीटीव्ही फुटेजमध्ये हा संपुर्ण प्रकार दिसून आला. त्यानंतर ब्रायनला अटक करण्यात आली. सध्या हे प्रकरण सोशल मीडियावर प्रचंड गाजतयं. विशेष म्हणजे गर्लफ्रेंडशी भांडल्यावर असं कृत्य कोणी करतं का असा प्रश्न नेटकरी विचारत आहे.