मेहुल चोक्सीला भारतात आणण्याचा प्रयत्न फसला?

नवी दिल्ली : देशात बेकायदा प्रवेश केल्याबद्दल डॉमिनिकामध्ये (Dominica) अटकेची कारवाई झालेला पीएनबी घोटाळ्यातील (PNB Fraud) आरोपी मेहुल चोक्सी (Mehul Chauksi) याला भारतात आणण्याचे भारताचे प्रयत्न अपयशी ठरले आहेत. कारण डॉमिनिकानं चोक्सीला अँटिग्वाकडे (Antigua) सोपवणार असल्याचं म्हटलं आहे. दरम्यान, दिवसभरात यासंदर्भात येत असलेल्या माहितीवरुन भारत-डॉमिनिकाचे मैत्रीपूर्ण संबंध असल्यानं चोक्सीचं लवकरच भारताकडे प्रत्यार्पण होऊ शकेल असं बोललं जात होतं. (attempt to bring Mehul Choksi to India failed Dominicas decision caused a stir)

पीएनबी घोटाळ्यातील दुसरा प्रमुख आरोपी असलेला हिरे व्यापारी मेहुल चोक्सी भारतातून फरार झाला आहे. त्यानं भारताचं नागरिकत्व सोडलं असून अँटिग्वाचं नागरिकत्व धारणं केलं आहे. बुधवारी चोक्सीला डॉमिनिका देशातून बेकायदा प्रवेश केल्याप्रकरणी अटक झाली होती. त्याला आता परत अँटिग्वाकडे पाठवण्यात येणार असल्याचं डॉमिनिकाच्या मिनिस्ट्री ऑफ नॅशनल सिक्युरिटी आणि होम अफेअर्सनं म्हटलं आहे.

दरम्यान, काही काळापूर्वी आलेल्या बातम्यांनुसार अँटिग्वाचे पंतप्रधान गॅस्टन ब्राऊन यांनी डॉमिनिकाच्या पंतप्रधानांना सूचना केली होती की, "भारताला हवा असलेला पीएनबी घोटाळ्यातील मास्टरमाईंड मेहुल चोक्सीला थेट भारताच्या स्वाधिन करावं."

चोक्सीला भारतात पाठवता येऊ शकत नाही

मेहुल चोक्सीला थेट भारतात आणण्यात येणार का? या प्रश्नावर चोक्सीचे वकील विजय अगरवाल यांनी सांगितलं की, "भारतीय नागरिकत्व कायद्यानुसार, मेहुल चोक्सीनं अँटिग्वाचं नागरिकत्व घेतलं आहे. तर भारतीय नागरिकत्व सोडलं आहे. इमिग्रेशन आणि पासपोर्ट अॅक्टनुसार चोक्सीला केवळ अँटिग्वालाच परत पाठवता येऊ शकतं."