जागतिक आरोग्य संघटनेनं अमेरिकेशी 'पंगा'; चीनचं तोंडभरून कौतुक

बीजिंग Corronavirus : कोरोना व्हायरसमुळं सध्या चीन विरुद्ध जवळपास संपूर्ण जग, अशी परिस्थिती आहे. चीनला जागतिक आरोग्य संघटना पाठिशी घातल असल्याचा आरोप अमेरिकेकडून करण्यात आला होता. अमेरिकेने सातत्याने चीनवर आरोप केले आहेत. तसेच, जागतिक आरोग्य संघटनेलाही जबाबदार धरले आहे, अशा वातावरणात जागतिक आरोग्य संघटनेने चीनचं भरभरून कौतुक करत अमेरिकेची पुन्हा नाराजी ओढवली आहे. 

कोरोनाच्या जगभरातील घडामोडी वाचण्यासाठी येथे क्लिक करा

आणखी वाचा - चीनची राजधानी बीजिंगचं चित्र बदलतंय वाचा सविस्तर बातमी 

चीनला झुकते माप देत असल्याबद्दल अमेरिका जागतिक आरोग्य संघटनेला (डब्लूएचओ) दोषी धरत असली तरी आज या संघटनेने आज कोरोना संसर्गावर नियंत्रण मिळविल्यावरून चीनचे कौतुक केले आहे. जणू, अमेरिकेच्या टीकेची आपल्याला फिकीरच नाही, अकोरोनाचा उद्रेक झाला असतानाही परिस्थिती नियंत्रणात आणून जनजीवन पूर्वपदावर कसे आणायचे, हे चीनकडून जगाने शिकले पाहिजे, असे ‘डब्लूएचओ’ने म्हटले आहे. चीनला करत असलेल्या मदतीवरून अमेरिका गेल्या काही दिवसांपासून जागतिक आरोग्य संघटनेवर आगपाखड करत असून त्यांना दिला जाणारा निधीही रोखण्यात आला आहे. संक्रमणाची सुरुवात झालेल्या वुहान शहरात आता गेल्या महिनाभरापासून एकही नवीन रुग्ण आढळला नसल्याची नोंद आरोग्य संघटनेने घेतली आहे. ‘ही अत्यंत चांगली बातमी असून याबद्दल चीनचे अभिनंदन केले पाहिजे. चीनने निर्बंधांची कशी अंमलबजावणी केली, ते कसे मागे घेतले आणि जनजीवन पूर्वपदावर कसे आणले, या गोष्टी जगाने चीनकडून शिकून घ्याव्यात. जनजीवन पूर्वपदावर येण्याची व्याख्या आता बदलावी लागण्याची शक्यता असून विषाणूचा धोका भविष्यातही राहू शकतो,’ असे ‘डब्यलूएचओ’च्या अधिकारी मारिया व्हान केर्खाव्ह यांनी सांगितले.

आणखी वाचा - चीन संदर्भात मी पुराव्यानिशी बोलतो : ट्रम्प  

जागतिक साथीची घोषणा योग्यवेळीच 
कोरोनाच्या संसर्गाबाबत जागतिक आरोग्य संघटनेने योग्य वेळीच जगाला माहिती दिली असती तर त्याची तयारी करण्यास सर्वांना वेळ मिळाला असता, या अमेरिकेच्या आरोपाला आरोग्य संघटनेचे प्रमुख टेड्रॉस घेब्रेयेसूस यांनी आज उत्तर दिले. ‘आम्ही योग्य वेळीच, म्हणजे जानेवारीमध्येच याबाबत माहिती दिली होती. त्यानंतर सर्व देशांना आवश्‍यक हालचाली करण्यास वेळ होता,’असे त्यांनी आज पत्रकार परिषदेत स्पष्ट केले. अमेरिकेने या संघटनेवर जोरदार टीका केली असून त्यांची भूमिका तपासण्यासाठी आपल्या तपास संस्थांनाही कामाला लावले आहे. कोरोनाच्या प्रसारासाठी अमेरिकेसह अनेक युरोपीय देशांनी चीनला दोषी ठरविले असून त्यांच्याकडून अब्जावधी डॉलरच्या नुकसान भरपाईची मागणीही केली आहे.