आम्हाला वटवाघळं चावली; कोरोनावर वुहानच्या शास्त्रज्ञांचा अजब दावा

यूएनआय
Friday, 22 January 2021

जगभर धुमाकूळ घातलेल्या कोविड-१९ विषाणूचे खापर इतरांवर फोडण्याचे चीनचे प्रयत्न कायम आहेत. वुहानमध्ये पहिला रुग्ण आढळला म्हणजे विषाणूचे उगमस्थान ते होय असे नाही असाही दावा करण्यात आला होता. आता मात्र तेथील शास्त्रज्ञांनी कमाल केली आहे. नमुने घेताना आम्हाला वटवाघळे चावली, जी बाधित असावीत, असे ते सांगत आहेत.

वुहान Covid19 News : जगभर धुमाकूळ घातलेल्या कोविड-१९ विषाणूचे खापर इतरांवर फोडण्याचे चीनचे प्रयत्न कायम आहेत. वुहानमध्ये पहिला रुग्ण आढळला म्हणजे विषाणूचे उगमस्थान ते होय असे नाही असाही दावा करण्यात आला होता. आता मात्र तेथील शास्त्रज्ञांनी कमाल केली आहे. नमुने घेताना आम्हाला वटवाघळे चावली, जी बाधित असावीत, असे ते सांगत आहेत. हे शास्त्रज्ञ वुहानमधील त्याच प्रयोगशाळेचे आहेत, जेथे कोविड-१९ विषाणूचा उगम आणि जागतिक साथीचा प्रारंभ झाल्याचे मानले जात आहे. 

शास्त्रज्ञांबाबतचा एक व्हिडिओ समोर आला आहे. मुख्य म्हणजे हा व्हिडिओ २०१७चा आहे, जो आता व्हायरल केला जात आहे. SARS-Cov-२ किंवा कोविड-१९ विषाणूचा उगम २०१९च्या अखेरीस झाल्याचे मानले जाते. जगातील अनेक प्रमुख वृत्तपत्रांनी याबाबतचे वृत्त दिले आहे. मेल ऑनलाईनमधील वृत्तानुसार एका शास्त्रज्ञाने गुहेत नमुने गोळा करताना रबरी हातमोज्यांमधून एका प्राण्याचे दात सुईप्रमाणे आत घुसल्याचा दावा केला आहे.

ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

तैवान टाईम्सने म्हटले आहे की, व्हिडिओत एका शास्त्रज्ञाने उघड्या हातांनी वटवाघुळ धरल्याचे दिसते. एका व्यक्तीच्या अंगावरील सूजही दाखविण्यात आली आहे. वटवाघळात अनेक घातक विषाणू असतात असे व्हिडिओतील निवेदक सांगतो.

'ठोको ताली'; बायडेन यांच्या भाषणामागे भारतीयाचा हात!

सन टीव्हीनुसार हे चित्रीकरण चीनमधील एका टीव्ही कंपनीच्या पथकाने केले आणि ते २०१७ मध्ये प्रक्षेपित करण्यात आले. हा व्हिडिओ ऑनलाइन उपलब्ध नाही. त्यावरील लोगोनुसार हे चित्रीकरण सीसीटीव्ही-१३ म्हणजे चायना सेंट्रल टेलिव्हीजन या चीनमधील सर्वांत मोठ्या वाहिनीच्या वृत्तवाहिनीने केल्याचे सूचित होते.

100 वर्षांपूर्वी स्पॅनिश फ्लूमधून वाचली; आता आजीने कोरोनाची घेतली लस

प्राण्यांमधून माणसात...
या व्हिडिओतील माहितीवरून ती प्रकारच्या शक्यता पुढे येत आहेत. वटवाघुळ चावल्यामुळे प्राण्यांमधून माणसात विषाणू शिरला असावा. हीच तशी पहिली वेळ असावी आणि तो विषाणू म्हणजेच आताचा कोविड-१९ असू शकतो.

पीपीई किट न घालता..
या व्हिडिओनुसार वुहान विषाणूशास्त्र संस्थेचे शास्त्रज्ञ जिवंत विषाणूंबातचे काम पीपीई कीट न घालता करीत आहेत. वास्तविक जागतिक आरोग्य संघटनेच्या (डब्लूएचओ) सुरक्षेच्या नियमांचा हा भंग आहे.

Edited By - Prashant Patil


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Coronavirus Wuhan Scientists Claim Bats Infected