हेअर कटींगसाठी मध्यरात्री जमली तुंबड गर्दी!

ऑकलंड : कोरोना विषाणूचा वेगाने होणारा प्रादुर्भाव रोखण्यासाठी जगभरातील अनेक देशांत लॉकडाउनच्या निर्णयातून लोकांना घरात बसण्याची सक्ती करण्यात आली आहे. भारतासह अनेक देशात टप्प्याटप्याने लॉकडाउन शिथील करण्याची योजना आखण्यात येत आहे. न्यूझीलंडनेही काही प्रमाणात लॉकडाउन शिथील करण्याचा निर्णय घेतलाय. देशव्यापी लॉकडाउनच्या तिसऱ्या टप्प्यात आपल्याकडे ज्यावेळी शिथीलता देण्यात आली त्यावेळी मद्य विक्रीच्या दुकानाबाहेर रांगाच्या रांगा लागल्याचे चित्र पाहायला मिळाले. दारुसाठी लोक जीव मुठीत घेऊन रांगेत उभे राहिल्या चित्र दिसले होते. न्यूझीलंडमध्येही काही दुकानाबाहेर गर्दी झाली होती. पण ही दुकाने दारुची नव्हती तर ती होती सलूनची. दोन महिन्यानंतर याठिकाणी सलूनची दुकाने खुली करण्यास परवानगी देण्यात आली आहे.

विशेष पॅकेजसंदर्भातील दुसऱ्या पत्रकार परिषदेत  शेतकरी आणि मजूरांना दिलासा देण्याचा प्रयत्न
 

लॉकडाउनच्या काळात सर्व ठप्प झाल्यामुळे लोक घरात बसून होते. केस कापण्यासाठी कोणताही पर्याय उपलब्ध नसल्यामुळे एरवी वेगवेगळ्या हेअर स्टाइलची क्रेज दाखवणारी मंडळींचा अवतार हा बघण्यासारखा झाला होता. न्यूझीलंडमधील जनता सलूनची दुकाने उघडण्याची प्रतिक्षा करत होते. सलून उघडल्याचे कळताच मध्यरात्री लोकांची हेअर स्टाइलसाठी एकच गर्दी उसळलीय.  

क्लारंटाईन झालेला पती आला घरी मग पत्नीने... 

न्यूझीलंडमध्ये बुधवारी रात्री अनेक ठिकाणी लॉकडाउनमध्ये शिथीलता देण्यात आली. यात मॉल, स्टोअर आणि रेस्टोरंट खुली करण्याची परवानगी देण्यात आली आहे. या ठिकाणी लोकांनी आपापल्या कामावर जाण्यास सुरुवातही केली आहे. 10 पेक्षा अधिक लोकांनी एकत्रित फिरण्यास काही ठिकाणी आजही बंदी आहे. मात्र सलून उघडल्याने अनेकांची काळजी मिटल्याचे चित्र अनुभवायला मिळाले.

यंदा टक्का नाहीच; फक्त 33 टक्के निधीच येणार खर्च करता

न्यूझीलंडमध्ये कोरोना विषाणूची लागण झालेल्या 1500 पैकी 1400 हून अधिक लोक बरे झाले आहेत. तर 21 लोकांचा याठिकाणी कोरोना विषाणूने बळी घेतला आहे.  न्यूझीलंडमध्ये सोमवारपासून शाळा सुरु करण्यास परवानगी देण्यात आली आहे. ज्या व्यापारावर अद्यापही बंधने आहेत त्यात बारचा समावेश आहे. 21 मे पर्यंत बार बंदच राहतील, असे सरकारने स्पष्ट केले आहे.