पायऱ्यांच्या सहाय्याने 'हे' चार व्यायाम करा अन् झटपट करा कमी वजन

नागपूर : आजकाल वजन वाढणे या समस्येने अनेकजण त्रस्त आहेत. प्रत्येकाला फिटनेस हवा असतो. अनेकजण वजन कमी करण्याचे निरनिराळे उपाय शोधत असतात. मात्र, आज आम्ही तुम्हाला काही सोप्पे वर्कआऊट्स सांगणार आहोत, ज्यामुळे वजन लवकर कमी होईल. चालणे हे अनेकांना आवडते. कारण ते सोपे आणि सोयीस्कर आहे. मात्र, याच पर्यायाने तुम्हाला वजन कमी करायचे असेल तर चालण्यासाठी पायऱ्यांचा वापर करा. त्यामुळे झटपट वजन कमी होण्यास मदत होईल.

पायऱ्यांवरून चालणे-उतरणे हे केवळ वजन करण्यासाठीच फायदेशीर नाहीतर आपले शरीर देखील मजबूत करते. चरबी कमी करते. ग्लूट्स, हेमस्ट्रिंग्स, क्वाड्रिसिप्स आणि आपला कोर मजबूत करते. त्यासाठी पायऱ्यांवर हफिंग अन् पफिंग करणे कधीही चांगले आहे.

वजन कमी करण्यासाठी प्रभावी व्यायाम

स्टेप बाय स्पेट -

हा पहिला व्यायाम आहे आणि आपण आपल्या व्यायामाची तीव्रता सुधारण्यापूर्वी तो आपल्या शरीराला नक्कीच ऊर्जा देईल. पायऱ्या चढून वर चाण्यासाठी बऱ्याच वेळा खाली जा. त्याची सुरुवात तुम्ही हळुवारपणे करू शकता. यामुळे तुमच्या हृदयाचे ठोके वाढतील. पण याचवेळी तुमच्या पायांचे स्नायू योग्य काम करत आहेत की नाही ते देखील कळेल. दिवसातून फक्त १५ मिनिटे याचा सराव केला तरी ते फायदेशीर ठरू शकते.

वेरीड पेसिंग

आपली पाठ आणि खांदा ताठ ठेवून हळूहळू पायऱ्या चढा. त्यानंतर खाली या. असे किमान तीन वेळा करा. यावेळी आपले वजन टाचांवर टाका. जेणेकरून गुडघ्यांऐवजी टाचा जड वाटायला पाहिजे. असे केल्याने अधिक कॅलरीज बर्न होतात.

रिवर्स लंज -

डावा पाय पायऱ्यांवर ठेवा आणि उजवा पाय खाली जमिनीवर ठेवा. आपल्या उजव्या गुडघ्याला छातीच्या भागाने उचला आणि पुन्हा पूर्ववत स्थितीत परत या. दुसऱ्या पायाने परत हेच करा.

ट्रायसेप्स शिडी डिप -

दुसर्‍या किंवा तिसर्‍या पायरीच्या काठावर बसून आपले हात बाजूला ठेवा. आपले तळवे दाबा आणि पायर्‍याच्यावर थोडेसे उभे करा. पाय पायऱ्यांवर ठेवा आणि टाचांना आराम द्या. हळू हळू, आपले हात 90 अंशांवर वाकवून आपली पाठ कमी करणे सुरू करा. प्रारंभिक स्थितीकडे परत या.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)