उन्हाळ्यात रात्री आंघोळ केल्याने होतात 5 फायदे

उष्णता प्रचंड वाढली आहे. अनेक ठिकाणी तर तापमानाच्या पाऱ्याने चाळीशी पार केली आहे. उन्हाळ्यात अनेक गोष्टी बदलतात. कपड्यांपासून खाण्या-पिण्यावर परिणाम होतो. तर काही लोकं दोनदा आंघोळ करतात. पूर्ण दिवसभर शरीरात धूळ साठलेली असते. तसेच घामही खूप येतो. शरीराचे तापमानही वाढलेले असते. अशावेळी तापमान कमी करण्यासाठी आणि फ्रेश वाटण्यासाठी संध्याकाळी आंघोळ करणं गरजेचं आहे. पण काही लोकं तब्येतीमुळे संध्याकाळी आंघोळ करू नये असं म्हणतात. पण असं काही नसत. उलट उन्हाळ्यात संध्याकाळी किंवा रात्री आंघोळ केल्याने शरीराला अनेक फायदे होतात. तसेच आरोग्याच्या समस्याही कमी होऊ शकता..

हे होतात फायदे

१) त्वचा स्वच्छ होते- दिवसभर शरीरावर जमलेले किटाणू रात्री आंघोळ केल्याने मरून जातात. तसेच बॅक्टेरियाचे संक्रमण आणि त्वचेच्या समस्या बऱ्याच प्रमाणात कमी होतात. झोपण्यापूर्वी आंघोळ केल्यामुळे रात्री झोपही चांगली लागते. सकाळी ताजेतवाने वाटते.

२) तणाव होतो दूर- लोक दिवसभर ऑफिसला जातात. संध्याकाळी घरी येतात. अशावेळी पूर्ण दिवसाचा थकवा आणि तणाव दूर करण्यासाठी रात्री आंघोळ केली पाहिजे. त्यामुळे तुमचा थकवा तर दूर होईलच शिवाय तणावही कमी होईल. रात्री आंघोळ केल्याने मेंदू चांगल्या प्रकारे कार्यन्वित होतो. जर तुम्ही पाण्यात तेल घालून आंघोळ केली तर तुम्हाल आणखी फ्रेश वाटू शकेल. तसेच मन शांत राहील.

३) वजन कमी करण्यासाठी फायद्याचे - रात्री आंघोळ केल्याने वजन कमी होते. त्याचबरोबर मायग्रेन, शरीरदुखी, सांधेदुखीपासूनही आराम मिळतो. म्हणूनच उन्हाळ्यात संध्याकाळी आणि रात्री अंघोळ करावी.

४) उच्च रक्तदाब नियंत्रित होतो- उष्णता खूप वाढल्यावर शरीराचे तापमानही खूप वाढते. ज्या लोकांना उच्च रक्तदाबाची समस्या आहे, त्यांनी रात्री झोपण्यापूर्वी आंघोळ केल्यास त्यांचा रक्तदाब नियंत्रित राहतो. तसेच रात्री रक्ताभिसरणही चांगले राहते.

५) मूड फ्रेश राहतो- रात्री आंघोळ केल्याने शरीर आणि मन ताजेतवाने होते. तसेच शरीरावरील ताण रात्री आंघोळ केल्याने दूर होतो. म्हणूनच सकाळी जरी आंघोळ केलीत तरी रात्री आंघोळ करायला विसरू नका.