Contraceptive Pills : गर्भनिरोधक गोळ्या खाल्ल्याने खरंच कँसर होऊ शकतो? वाचा काय सांगते स्टडी

Contraceptive Pills : नको असलेली गर्भधारणा टाळण्यासाठी अनेक महिला मॉर्निंग आफ्टर पिल, गर्भनिरोधक गोळी, आपत्कालीन गोळी घेतात. नको असलेली गर्भधारणा रोखण्यासाठी या गोळ्या खूप उपयुक्त ठरतात. या गोळ्या अशा वेळी वापरल्या जातात जेव्हा संरक्षण म्हणजेच शारीरिक संबंध करताना कंडोमचा वापर केला जात नाही. गर्भनिरोधक गोळ्या घेतल्याने शरीरातील हार्मोनल संतुलन बिघडते आणि स्तनाचा कर्करोग होण्याचा धोकाही ३० टक्क्यांनी वाढतो हे बहुतेक महिलांना माहीत नसते.

ऑक्सफर्ड युनिव्हर्सिटीच्या शास्त्रज्ञांच्या मते, केवळ गोळ्या घेणेच नाही तर IUD सारख्या गर्भधारणा रोखण्याच्या इतर पद्धती देखील स्तनाच्या कर्करोगाचा धोका 23 ते 30 टक्क्यांनी वाढवू शकतात. हा अभ्यास PLOS मेडिसिन जर्नलमध्ये प्रकाशित झाला आहे. हार्मोनल गर्भनिरोधक आणि स्तनाचा कर्करोग यांच्यातील संबंध प्रस्थापित करणारा हा पहिला अभ्यास आहे.

अभ्यासानुसार, गर्भनिरोधक गोळी सोडल्यास या आजाराचा धोका कमी होऊ शकतो. ऑक्सफर्ड युनिव्हर्सिटीच्या शास्त्रज्ञांनी सांगितले की, 20 किंवा त्यापेक्षा कमी वयाच्या मुलींपेक्षा वृद्ध महिलांमध्ये या आजाराचा धोका जास्त असतो.

तरुण मुलींमध्ये कमी धोका

तज्ञांनी सांगितले की सर्व प्रोजेस्टोजेन-केवळ गर्भनिरोधक एकत्रित तोंडावाटे घेतल्या जाणाऱ्या गर्भनिरोधकांप्रमाणेच स्तन कर्करोगाच्या जोखमीशी संबंधित आहेत. लहान वयाच्या मुलींमध्ये तोंडावाटे घेतलेल्या गोळ्यांचा धोका कमी असतो. तर वृद्ध महिलांना याचा धोका जास्त असतो. एक एकत्रित गर्भनिरोधक गोळी प्रोजेस्टेरॉन आणि इस्ट्रोजेनचा वापर करते जेणेकरून अंडाशयातून प्रत्येक महिन्याला अंडी बाहेर पडू नयेत. ही गोळी गर्भधारणा रोखण्यासाठी 99.7 टक्के प्रभावी आहे.

गोळ्यांचे अनेक दुष्परिणाम

प्रोजेस्टोजेन गोळ्यांमध्ये फक्त एक हार्मोन असतो, जो गर्भाशयाच्या श्लेष्माला घट्ट करतो आणि शुक्राणूंना गर्भाशयात प्रवेश करण्यापासून प्रतिबंधित करतो. दोन्ही गोळ्यांचे साइड इफेक्ट्स असू शकतात जसे की कामवासनेमध्ये बदल, मूड मध्ये बदल, मऊ स्तन, आजारी वाटणे आणि वजन समस्या इ. अशा वेळी डॉक्टर कंबाइन पिल्स टाळण्याची शिफारस करतात, विशेषत: ज्यांना स्तनाच्या कर्करोगाचा कौटुंबिक इतिहास आहे.