Jalgaon Rain Damage : यावलला वादळी पाऊस; केळीच्या बागा आडव्या

Jalgaon Rain Damage : शहर व परिसरात बुधवारी (ता. ७) सायंकाळी चारपासून सुमारे दोन तास वादळी पाऊस झाला. वादळाने रस्त्यावरील अनेक झाडे उन्मळून पडली आहेत तर शहरासह ग्रामीण भागात वीजपुरवठा खंडित झाला आहे. (Heavy rain in Yawal have damaged banana plantations Jalgaon Rain Damage news)

या वादळाने काही ठिकाणी केळीच्या बागा आडव्या झाल्या असून, किती नुकसान झाले, हे मात्र अद्याप समजू शकलेले नाही. तर फैजपूर, चोपडा, दहिगाव -सावखेडा रस्त्यावर झाडे उन्मळून पडल्याने, एसटी बसेस बंद करण्यात आल्या आहेत.

एकमेव भुसावळकडे जाणाऱ्या बसेस केवळ सुरू आहेत. शहरासह तालुक्यातील ग्रामीण भागात अनेक ठिकाणी विजेच्या तारा तुटलेल्या असून, खांब वाकलेले आहेत.

हेही वाचा : Credit Card फसवणूक....काय घ्याल काळजी?

अलवाडीत गारांचा पाऊस

अलवाडी (ता. चाळीसगाव) व परिसरात सोमवारी (ता. ५) वादळी वाऱ्यासह गारांचा पाऊस झाला.

वादळाचा वेग अधिक असल्याने रस्त्यावर झाडे उन्मळून पडल्यामुळे अलवडी ते सायगाव व नांद्रे काकडणे रस्त्यावर बराच वेळ वाहतूक ठप्प झाली होती. वादळी पावसामुळे शेतकऱ्यांचे बरेच नुकसान झाले. आंब्याचे झाड व इतर काही झाडे देखील जमीनदोस्त झाले