बर्थडेचा केक कापण्यासाठी मित्राकडून आणला चॉपर आणि दोघे पोहचले ‘लॉकअप’ मध्ये

बर्थडेचा केक कापण्यासाठी मित्राकडून आणला चॉपर आणि दोघे पोहचले ‘लॉकअप’ मध्ये

जळगाव : वाढदिवसाला केक कापण्यासाठी मित्राकडून चाॅपर घेवून फिरत असतांना पोलिसांनी एका तरुणाला पकडले. चौकशीतून मित्र डान्स कोरियोग्राफरकडून चॉपर आणल्याचे माहिती मिळताच बर्थडे बाॅय आणि मित्फिर डान्स कोरियोग्राफर दोघांना गुन्हे शाखेच्या पथकाने अटक केली आहे. 

आवश्य वाचा- मातृछत्र हरपले अन् मामाच बनले आई 

शहरातील वैष्णवी पार्ककडे जाणाऱ्या रोडवरील मातोश्री शाळेजवळ एका तरुणाच्या हातात चॉपर असल्याची गोपनीय माहिती निरीक्षक किरणकुमार बकाले यांना मिळाली. त्यांच्या पथकातील राजेंद्र पाटील, अशोक महाजन, सुधाकर अंबोरे, अनिल देशमुख, अशरफ शेख, दीपक शिंदे, इंद्रिस पठाण यांनी रविवारी (ता. २२) दुपारी मातोश्री शाळेजवळून पवन नारायण कापसे (वय २५, रा. वैष्णवी पार्क, मातोश्री शाळेजवळ) याला अटक केली.

त्याच्या जवळून पोलिसांना धारदार चॉपर मिळून आल्याने त्याची चौकशी केली असता, वाढदिवसाला केक कापण्यासाठी मित्राकडून चॉपर आणल्याचे त्याने सांगितले. त्याचा मित्र, तथा डान्स कोरिओग्राफर परेश गोयर (वय २६, रा. वैष्णवी पार्क) याला पेालिसांनी ताब्यात घेत दोघांविरुद्ध तालुका पोलिसांत बेकायदा शस्त्र बाळगल्या प्रकरणी गुन्हा दाखल करण्यात आला आहे. 

संपादन- भूषण श्रीखंडे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com