जळगाव : लसीकरणामुळे ओमिक्रॉनची लक्षणे कमी

चार टक्के नागरिकांची नोंद नाही, ५० टक्के नागरिकांनी घेतला दुसरा डोस

Corona Vaccinationsakal media

जळगाव : कोरोनाचा प्रतिबंध (corona update)करण्यासाठी गतवर्षी याच दिवशी (ता. १६ जानेवारी २०२१) कोरोना लसीकरणाचा (vaccination)शुभारंभ करण्यात आला. वर्षभरानंतरची स्थिती पाहता लसीकरणाचा पहिला डोस(vaccine first dose) ८० टक्के तर दुसरा डोस(vaccine second dose) ५० टक्के नागरिकांनी घेतला आहे. या लसीकरणामुळेच तिसऱ्या लाटेतील ओमिक्रॉनबाधितांना केवळ लक्षणे दिसत आहेत.सर्वांनाच रुग्णालयात दाखल होऊन ऑक्सिजनची गरज भासत नाही, असा दावा जिल्हा शल्यचिकित्सक डॉ. एन. एस. चव्हाण यांनी केला आहे.

अनेकांना केवळ गोळ्या- औषधी देत गृहविलगीकरणात ठेवण्यात येत आहे. १६ जानेवारी २०२१ रोजी जिल्हा प्रशासनातर्फे पालकमंत्री गुलाबराव पाटील, जिल्हाधिकारी अभिजित राऊत यांच्या उपस्थितीत कोरोना लसीकरण मोहीम सुरू झाली. अगोदर आरोग्य कर्मचारी, फ्रंटलाईन वर्करांना लस देण्यात आली. नंतर पोलिस, महसूल अधिकारी, कर्मचारी यांना लस दिली. नंतर ४५ वर्षांवरील नागरिकांना नंतर १८ वर्षावरील नागरिकांना लसीकरण सुरू झाले. लसीकरणाच्या ऑनलाइन नोंदणीवरून अनेक ठिकाणी गोंधळही झाले. पोलिसांच्या उपस्थितीत लसीकरण करावे लागले. लसीकरणासाठी पहाटे चारपासून नागरिक विविध लसीकरण केंद्रावर रांगेत उभे राहत असल्याचे चित्र पोहावयास मिळत होते.

मात्र जशी दुसरी लाट(second wave of corona) ओसरली तसे लस घेण्याचे प्रमाणही घटले. अनेक ठिकाणी आता लसीकरण केंद्रे ओस पडलेली दिसून येतात. आता याच महिन्यापासून १५ ते १८ वयोगटातील युवकांचे लसीकरण सुरू झाले आहे. युवकांचा चांगला प्रतिसाद लसीकरणास मिळत आहे. अनेक नागरिकांनी लस घेतली आहे. मात्र त्याची पोर्टलवर नोंदणी नसल्याने ती आकडेवारी आतापर्यंत झालेल्या लसीकरणात(vaccination) नाही. नोंद न झालेल्या नागरिकांची संख्या तीन ते चार टक्के आहे.

'विद्यापीठांतील नियुक्त केलेले कुलगुरू एका राजकीय विचारांचे असल्याने कायदा बदलला'

लसीकरणाबाबत अनेक शंका

लस घेतल्याने शरीरात जनुकीय बदल(Genetic changes) होतो. महिला गरोदर राहू शकत नाही. आदी विविध कारणांनी २० टक्के नागरिकांनी लस घेतलेली नाही. या सर्व शंकाकुशंका काढून टाकण्यासाठी संबंधित समुदायाच्या प्रमुखांचे सहकार्य घेण्याचे नियोजन जिल्हा प्रशासन करीत आहे.

‘राज्यातील सर्व कुलगुरू संघाच्या विचारांचे’ - आशिष देशमुख

आकडे बोलतात...

आतापर्यंत झालेले लसीकरण

आरोग्य, फ्रंटलाइन वर्कर्स - १ लाख २० हजार ९७१
१८ ते ४५ वर्ष वयोगट - २० लाख २५ हजार ६६६
४५ ते ६० वयोगट - ९ लाख ४१ हजार ६३३
६० वर्षांवरील गट- ८ लाख ९६६

एकूण ३९ लाख ४७ हजार ३५६

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Jalgaon