सावधान ! ‘ईटीएफ कार’ सिंधुदुर्गात दाखल

सकाळ वृत्तसेवा
रविवार, 27 ऑक्टोबर 2019

आता वाहन चालकांवर या ईटीएफ कारची करडी नजर राहणार आहे. संपूर्ण महाराष्ट्रभर महामार्ग पोलिस दलाकडे या अद्यावत एटीएफ कार दाखल झाल्या आहेत. लवकरच मोबाइल ॲपही लाँच करण्यात येत आहे.

ओरोस (सिंधुदुर्ग) - जिल्ह्यातील महामार्ग पोलिस दलाकडे अद्ययावत यंत्रसामग्री असलेली ईटीएफ कार दाखल झाली आहे. ही कार महामार्गावर उभी असताना किंवा महामार्गावर धावत असताना या कारच्या समोरून येणाऱ्या किंवा ओव्हरटेक करून जाणाऱ्या कोणत्याही वाहनचालकाने वाहतुकीचे नियम मोडले तर ईटीएफ कार अद्ययावत यंत्रावर दखल घेणार आहे.

याबाबत थेट उपप्रादेशिक परिवहन कायालयाला त्या वाहनचालकाची चूक आणि त्यावरील दंड कळविणार आहे.
त्यानंतर उप प्रादेशिक परिवहन कार्यालय त्या वाहन चालकावर कारवाई करणार आहे. तसेच वाहन मालकाकडून दंडही वसूल केला जाणार आहे. त्यामुळे आता वाहन चालकांवर या ईटीएफ कारची करडी नजर राहणार आहे. संपूर्ण महाराष्ट्रभर महामार्ग पोलिस दलाकडे या अद्यावत एटीएफ कार दाखल झाल्या आहेत. लवकरच मोबाइल ॲपही लाँच करण्यात येत आहे.

असे असेल एक नोव्हेंबरपासून कोकण रेल्वेचे वेळापत्रक 

वाहनचालकांनी सीटबेल्ट न लावणे दुचाकीवर हेल्मेट न घालणे तसेच वेगमर्यादा ओलांडणे या तीन चुकांची दखल ही ईटीएफ कार अद्ययावत मशिनरीवर घेणार आहे. अद्ययावत स्वयंचलित मशिनरीसह  स्पीड गन व इंटरनेट व्यवस्था ही या कारमध्ये उपलब्ध आहे. ही व्यवस्था सांभाळण्यासाठी या कारमध्ये पोलिस ऑपरेटरही तैनात असणार आहे. सध्या त्यांचे प्रशिक्षण सुरू झाले आहे.

क्यार वादळाचा मच्छिमारांना फटका; 40 लाखांची हानी 

जवळपास वीस लाख किमतीची ही कार असून या कारमध्ये जवळपास सहा लोकांची आसन व्यवस्था आहे. मोबाईल ॲप विकसित झाल्यानंतर या एटीएफ कारने वाहनचालकांच्या चुकीची दखल घेताच वाहन मालकाला ही तत्काळ संदेश जाणार आहे व उपप्रादेशिक परिवहन कार्यालयाकडे ही तो संदेश जाणार आहे.

रत्नागिरीतील भाजपचे नेतृत्व सिंधुदुर्गकडे ? 

दरम्यान, आता मात्र वाहन चालकांचा निष्काळजीपणा आणि वाहतूक नियमांचा भंग करणाऱ्या वाहनचालकांवर ही ‘ईटीएफ कार’ लक्ष ठेवणार आहे. त्यामुळे आता तरी वाहनचालकांच्या निष्काळजीपणामुळे होणाऱ्या अपघातांचे प्रमाण कमी करण्यास यश मिळेल, अशी अपेक्षा काहींनी व्यक्त केली आहे.

...तर दंड नंतर वसूल 
वाहनचालकाची चूक झाल्यानंतर ते वाहन थांबले नाही, तर त्या चुकीचा दंड त्या वाहनमालकाकडून त्या उपप्रादेशिक कार्यालयाकडून वसूल केला जाईल. समजा ते वाहन चालकाने थांबविले तर त्याच ठिकाणी ई चलनाने दंड भरून घेण्याची सोय आहे. जर वाहनचालकाकडे तेवढे पैसे नसतील तर अनपेडची नोंद करून ते वाहन सोडले जाण्याची संधी आहे व हा दंड शेवटी वाहनमालकाच्या नावे उपप्रादेशिक कार्यालयाकडून वसूल केला जाणार आहे.

संगमेश्वरात भाजपला गृहीत धरणे शिवसेनेला पडले महागात 
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: ETF car arrives in Sindhudurg