Bus Accident : संगमेश्वर-कोल्हापूर मार्गावर बस दरीत कोसळून 13 प्रवासी जखमी; काय आहे अपघाताचं कारण?

संगमेश्वर : संगमेश्वर-कोल्हापूर राज्य मार्गावर (Sangameshwar-Kolhapur Route) देवरूखकडून संगमेश्वरकडे येणारी बस लोवले येथे मोरीजवळ दरीत कोसळली. या अपघातामध्ये (Bus Accident) बसमधील तेरा प्रवासी (Passengers) जखमी झाले आहेत.

देवरुख आगाराच्या (Devrukh Agar) सदर बसचा अपघात काल संध्याकाळी ६:३० वाजण्याच्या दरम्यान घडला. सध्या अपघातग्रस्त बघ दरीतून बाहेर काढण्यात आली असून काही जखमी प्रवाशांवर उपचार सुरु असल्याची माहिती आहे. हा अपघात नेमका कशामुळे झाला हे अद्याप समजू शकलेले नाही.

बसमधील सुमित पांडुरंग संसारे, रा. दापोली, साक्षी शंकर लिंगायत वय ४१ रा. तुरळ, सतीश शिवराम करदोडे कोंडअसुर्डे, शेखर सदाशिव चव्हाण संगमेश्वर, ज्योतिबा श्रीपती पवार वय ३५ रा. देवरुख, निवृत्ती रामकृष्ण माने सावर्डे, दिलीप बारकू लेवारे, रा. नाशिक, बबन कृष्णा पवार, फणसवळे, रुद्र संतोष चव्हाण १२ कोळंबे, अतिक रहमान पटेल, पांडुरंग संसारे दापोली, सिद्धी संदीप घडशी माभळे, शिवानी खातू संगमेश्वर हे जखमी झाले आहेत.