Team India: धोनीच्या लाडक्या ऋतुराजची अग्निपरीक्षा! आशियाई गेम्स स्पर्धेचे टीम इंडियाचे वेळापत्रक जाहीर

Asian Games 2023 Cricket Schedule : भारतीय क्रिकेट संघाला आगामी काळात अनेक महत्त्वाच्या स्पर्धा खेळायच्या आहेत. जिथे वरिष्ठ संघ आशिया कप आणि एकदिवसीय विश्वचषक स्पर्धेच्या तयारीत व्यस्त आहे. त्याचबरोबर चीनमधील हांगझोऊ येथे होणाऱ्या आशियाई क्रीडा स्पर्धेची जबाबदारी ज्युनियर संघावर सोपवण्यात आली आहे.

ऋतुराज गायकवाड या संघाची जबाबदारी सांभाळणार आहेत. भारताच्या पुरुष आणि महिला दोन्ही संघांना उपांत्यपूर्व फेरीत थेट प्रवेश मिळाला. महिला आणि पुरुष दोन्ही स्पर्धांच्या तारखाही जाहीर झाल्या. आता याच दरम्यान भारतीय पुरुष संघाच्या सामन्यांचे वेळापत्रकही समोर आले आहे.

टीम इंडिया सलग तीन दिवस खेळणार

टीम इंडियाला सलग तीन दिवस उपांत्यपूर्व, उपांत्य आणि अंतिम फेरी खेळायची आहे. पुरुषांच्या स्पर्धेत 18 संघ सहभागी होतील तर महिलांच्या स्पर्धेत 14 संघ खेळतील. महिला क्रिकेट स्पर्धा 19 सप्टेंबर ते 26 सप्टेंबर दरम्यान खेळवली जाणार आहे. टीम इंडियाच्या महिला संघाचे सामन्यांचे वेळापत्रक अद्याप जाहीर झालेले नाही.

दुसरीकडे, थेट उपांत्यपूर्व फेरीत पोहोचणाऱ्या भारतीय पुरुष संघाने अंतिम फेरी गाठल्यास त्यांना सलग तीन सामने खेळावे लागू शकतात. भारतीय संघ आशियाई क्रीडा स्पर्धेच्या बाद फेरीत थेट खेळणार आहे.

भारताची उपांत्यपूर्व फेरी अफगाणिस्तान किंवा बांगलादेशच्या द्वितीय श्रेणी संघाशी होण्याची शक्यता आहे. कारण दोन्ही देशांचे प्रमुख संघ भारतात सध्या सुरू असलेल्या विश्वचषकात एकाच वेळी असतील. हँगझोऊ गेम्समध्ये पुरुष आणि महिला अशा दोन्ही प्रकारात एकूण 32 सामने होतील, त्यापैकी 18 पुरुष आणि 14 महिलांसाठी असतील. जर भारतीय संघ अंतिम फेरीपर्यंत खेळला तर त्याला भारतीय वेळेनुसार दुपारी 12 वाजल्यापासून (स्थानिक वेळेनुसार दुपारी 2.30 वाजता) सामने खेळावे लागतील.

आशियाई खेळ 2023 साठी टीम इंडियाचे वेळापत्रक

• 5 ऑक्टोबर - उपांत्यपूर्व फेरी

• 6 ऑक्टोबर - उपांत्य फेरी (पात्र ठरल्यास)

• 7 ऑक्टोबर - अंतिम (पात्र असल्यास)