SRH vs RR, Eliminator: "नेट्समध्ये वैभवला मी...", जोफ्रा आर्चरचे १५ वर्षांच्या सूर्यवंशीला आऊट करण्याबद्दल भन्नाट उत्तर; VIDEO

इंडियन प्रीमयर लीग २०२६ (IPL 2026) स्पर्धेतील एलिमिनेटर (Eliminator) सामन्यात बुधवारी (२७ मे) १५ वर्षांच्या वैभव सूर्यवंशीने दमदार कामगिरी केली. या सामन्यात राजस्थान रॉयल्सने सनरायझर्स हैदराबादला (RR beat SRH) ४७ धावांनी पराभूत केले. राजस्थानच्या या विजयात वैभव सूर्यवंशी (Vaibhav Sooryavanshi) आणि जोफ्रा आर्चर (Jofra Archer) यांनी मोलाचा वाटा उचलला. यानंतर आर्चरने वैभवबाबत मोठे भाष्य केले आहे.

या सामन्यात प्रथम फलंदाजी करणाऱ्या राजस्थान रॉयल्सकडून वैभव सूर्यवंशीने २९ चेंडूत ५ चौकार आणि १२ षटकारांसह ९७ धावांची खेळी केली. तसेच ध्रुव जुरेलने २१ चेंडूत ५० धावांची खेळी केली. त्यामुळे राजस्थानने २० षटकात ८ बाद २४३ धावा केल्या. हैदराबादकडून प्रफुल हिंगेने ३ विकेट्स घेतल्या आहेत.