वैभव सूर्यवंशीला विराट कोहलीने IPL जिंकल्यानंतर नक्की काय सांगितलं? RCB च्या Video ने उघडलं रहस्य

रविवारी (३१ मे) इंडियन प्रीमियर लीग २०२६ स्पर्धेचा (IPL 2026) अंतिम सामना रॉयल चॅलेंजर्स बंगळुरू विरुद्ध गुजरात टायटन्स (RCB vs GT) संघात पार पडला. अहदाबादला झालेल्या या अंतिम सामन्यात बंगळुरूने ५ विकेट्सने विजय मिळवत दुसऱ्यांदा आयपीएल ट्रॉफीवर नाव कोरले.

बंगळुरूच्या विजयात विराट कोहलीचा (Virat Kohli) वाटा मोठा राहिला. त्याने अंतिम सामन्यातील सामनावीर पुरस्कारही जिंकला. पण यासोबतच अंतिम सामन्यावेळी राजस्थान रॉयल्स संघातील १५ वर्षीय वैभव सूर्यवंशीचीही (Vaibhav Sooryavanshi) चर्चा झाली. त्याने आयपीएल २०२६ स्पर्धा त्याच्या स्फोटक फलंदाजीने गाजवली. तो अंतिम सामना पाहण्यासाठी स्टेडियमवरही उपस्थित होता. त्याला या स्पर्धेतील ५ मोठे पुरस्करही मिळाले.