GT vs CSK IPL Qualifier 1 : स्कोअरबोर्डवरील डॉट बॉलच्या जागी झाडं दाखवण्यांच काय आहे गौडबंगाल?

GT vs CSK IPL Qualifier 1 Dot Ball Tree : आयपीएलच्या 16 व्या हंगामातील पहिल्या क्वालिफायर सामन्यात आज गुजरात टायटन्स चेन्नई सुपर किंग्जशी भिडत आहे. या सामन्यात आज टीव्हीवर दिसणाऱ्या स्कोअर बोर्डमध्ये एक मोठा बदल करण्यात आला आहे. ज्यावेळी एखादा गोलंदाज निर्धाव चेंडू टाकतो त्यावेळी त्या ठिकाणी डॉट येण्याच्या ऐवजी एक झाडे दिसते. हा काय प्रकार आहे याबाबत जाणून घेतले असता यामागे बीसीसीआयचा मोठा प्लॅन असल्याचे आढळून आले.

सोशल मीडियावर याबाबत एक पोस्ट सध्या व्हायरल होत आहे. या पोस्टमध्ये बीसीसीआय आयपीएलच्या 16 व्या हंगामातील प्ले ऑफमध्ये टाकण्यात आलेल्या प्रत्येक निर्धाव चेंडूमागे 500 झाडे लावण्याची योजना आखत आहे. ही माहिती सूत्रांनी दिली आहे. त्यामुळेच प्ले ऑफच्या सामन्यात एखाद्या गोलंदाजाने डॉट बॉल टाकला की त्या ठिकाणी झाडाचे चित्र दिसत आहे.

गुजरात टायटन्सने नाणेफेक जिंकून प्रथम गोलंदाजी करताना चेन्नई सुपर किंग्जला 20 षटकात 7 बाद 172 धावात रोखले. ऋतुराजच्या 60 धावांच्या जोरावर चेन्नईने दमदार सुरूवात केली होती. त्याला डेवॉन कॉन्वे (40) देखील चांगली साथ देत होता. मात्र तो बाद झाल्यावर चेन्नईचा डाव घसरला. गुजरातकडून मोहित शर्मा आणि मोहम्मद शमी यांनी चांगला मारा करत प्रत्येकी 2 विकेट्स घेतल्या.

(Sports Latest News)