सबस्क्राईब करा
Hardik Pandya Natasa Stankovic : भारतीय टी 20 संघाचा उपकर्णधार हार्दिक पांड्याचे खराब दिवस सुरू आहेत. मुंबई इंडियन्सचा कॅप्टन झाल्यापासून रोज चाहत्यांच्या टीकेला त्याला सामोरे जावे लागते. त्यात मुंबई इंडियन्स यंदाच्या आयपीएल हंगामात प्ले ऑफ गाठू शकली नाही. त्यामुळे चाहते त्याच्यावर अजून रागावले आहेत. त्यातच आता त्यांच्या वैवाहिक जिवनात देखील सगळं काही ठीक नाहीये अशी चर्चा सुरू झाली आहे.
मीडिया रिपोर्ट्सनुसार हार्दिक पांड्या आणि त्याची पत्नी नताशा स्टॅन्कोविक यांच्यात काही दिवसांपासून तणाव निर्माण झाला आहे. हे दोघे एकमेकांपासून वेगळे राहत असल्याची शक्यता वर्तवली जात आहे.
गेल्या काही दिवसांपासून नताशा चर्चेचा केंद्रबिंदू झाली आहे. नताशाला हार्दिकच्या आयपीएलमधील खराब कामगिरीनंतर सोशल मीडियावर धमकी देखील मिळाली आहे. हार्दिक आणि नताशाने 31 मे 2020 मध्ये लग्न केलं होतं. त्यांना अगस्त हा एक मुलगा देखील आहे.
सध्या रेडिटवर एक पोस्ट व्हायरल होत आहे. या पोस्टमध्ये हार्दिक पांड्या अन् नताशा वेगळं होणार आहेत का? असा प्रश्न विचारण्यात आला आहे. रेडिटवरील ही पोस्ट फक्त एक अंदाज वर्तवणारी आहे. मात्र हार्दिक आणि नताशा इन्स्टाग्रामवरील एकमेकांच्या पोस्ट लाईक करत नाहीयेत. नताशाने इन्स्टाग्रावर नताशा स्टॅन्कोविक पांड्या असा बदल केला होता. आता तिने आपलं आडनाव हटवलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.