आयपीएल २०२५ मधून राजस्थान रॉयल्सकडून १४ वर्षांच्या वैभव सूर्यवंशीने पदार्पण करत सर्वांचे लक्ष्य वेधले होते. त्याने पहिल्या सामन्यापासून त्याची प्रतिभा दाखवली होती. तो १३ वर्षांचा असतानाच त्याला लिलावात राजस्थानने संघात घेतलं. त्यामुळे तो आयपीएलमधील सर्वात लहान खेळाडूही ठरला.
इतकेच नाही, तर त्याने गुजरात टायटन्सविरुद्धच्या सामन्यात ३५ चेंडूत शतक करत सर्वांना आश्चर्याचा धक्का दिला. त्याने ७ चौकार आणि ११ षटकारांची बरसात केली. तो आयपीएलमध्ये सर्वात जलद शतक करणारा भारतीय खेळाडूही ठरला.
