MS Dhoni IPL Final : आता चाहत्यांना निराश करणार नाही... धोनी नाणेफेकीनंतर काय म्हणाला?

MS Dhoni IPL Final : आयपीएलच्या 16 व्या हंगामाची फानल अखेर राखीव दिवशी सुरू झाली. ठरल्या वेळेत नाणेफेक झाल्याने रविवारपासून सामन्यातील एका चेंडूसाठी ताटकळत राहिलेल्या प्रेक्षकांची प्रतिक्षा संपुष्टात आली. महेंद्रसिंह धोनीने नाणेफेक जिंकून प्रथम गोलंदाजी करण्याचा निर्णय घेतला.

चेन्नईने नाणेफेक झाल्यानंतर बोलताना म्हणाला की, 'आम्ही वातावरणाचा अंदाज घेऊन नाणेफेक जिंकून प्रथम गोलंदाजी करण्याचा निर्णय घेतला आहे. काल आम्ही पूर्णवेळ ड्रेसिंग रूममध्ये होतो. एक क्रिकेटपटू म्हणून तुम्ही कायम खेळण्यासाठीच उत्सुक असता. काल सर्वात जास्त त्रास हा प्रेक्षकांनाच झाला आहे. आशा आहे की आज आम्ही त्यांचे मनोरंज करू.'

नाणेफेक जिंकून गोलंदाजी करण्याच्या निर्णया बाबत धोनी म्हणाला की, 'खेळपट्टी ही जास्त काळ झाकून ठेववण्यात आली होती. मात्र संपूर्ण स्पर्धेत ही खेळपट्टी खूप चांगली होती. सामना 20 षटकांचा होत आहे. त्यामुळे मी खूष आहे. स्पर्धेला यामुळे न्याय मिळेल. मी संघात कोणताही बदल केलेला नाही.'

(Sports Latest News)