VIDEO : रोहितचा एका षटकाराने मिळाले एक शिंगी गेंड्यांना पाच लाख रूपये

मुंबई : मुंबई इंडियन्सचा कर्णधार रोहित शर्माने (Rohit Sharma) आजच्या सामन्यात संघाला चांगली सुरूवात करून देण्याचा प्रयत्न केला. त्याने 2 षटकार आणि 5 चौकारांच्या साथीने 28 चेंडूत 43 धावा चोपल्या. त्याने मारलेल्या एक षटकार (Six) हा विशेष ठरला. त्याच्या या षटकारामुळे आता आसाममधील एक शिंगी गेंड्याला (Rhino) पाच लाख रूपये गिफ्ट मिळणार आहेत. रोहित शर्माने हा षटकार दुसऱ्या षटकाच्या शेवटच्या चेंडूवर डीम मिडविकेटला एक जबरदस्त षटकार मारला.

अल्झारी जोसेफच्या पायाच्या दिशेने येणाऱ्या चेंडूवर रोहितने फ्लिक मारत षटकार खेचला. चेंडू डीप मिडविकेट बाऊंडरीच्या बाहेर गेला. हा चेंडू थेट टाटा पंच (Tata Punch) या शोकेस केलेल्या गाडीवर जाऊन आदळला. रोहितच्या या षटकारामुळे आता आसामच्या काझीरंगा नॅशनल पार्कला (Kaziranga National Park) पाच लाख रूपये मिळणार आहेत. रोहित हा प्राण्यांच्या बाबतीत खूप संवेदनशील आहे.

टाटा मोटर्स ही आयपीएलची अधिकृत स्पॉन्सर आहे. या ग्रुपने घोषणा केली होती की एखादा फलंदाज जर टाटा पंचच्या बोर्डवर किंवा टाटा पंच कारवर चेंडू मारेल तेव्हा कंपनी काजीरंगा नॅशनल पार्कला 5 लाख रूपये दान करणार आहे. हे नॅशनल पार्क एक शिंगी गेंड्यासाठी प्रसिद्ध आहे.

मुंबई इंडियन्स आणि गुजरात टायटन्स यांच्यातील सामन्यात गुजरातने प्रथम मुंबईला फलंदाजीला पाचारण केले. मुंबईने गुजरात टायटन्ससमोर 177 धावांचे आव्हान ठेवले. मुंबईकडून इशान किशनने सर्वाधिक 45 धावांची खेळी केली. रोहित शर्माने देखील आक्रमक सुरूवात करत 43 धावांची खेळी केली. तर टीम डेव्हिडने देखील तिलर वर्मासोबत भागीदारी रचत मुंबईला 150 च्या पार पोहचवले. त्याने 21 चेंडूत नाबाद 44 धावांची खेळी केली. यामुळे मुंबईला 177 धावांपर्यंत मजल मारता आली.