#AusOpen : मुगुरुझाला हरवत 21 वर्षीय केनिन बनली नवी टेनिस क्वीन!

Australian_Open_2020-Kenin
Australian_Open_2020-Kenin

Australian Open 2020 : मेलबर्न : अमेरिकेच्या 21 वर्षीय सोफिया केनिनने दोनवेळा ग्रॅंडस्लॅम विजेती असलेल्या स्पेनच्या गार्बिन मुगुरूझा हिचा पराभव केला. आणि कारकिर्दीतील पहिली ऑस्ट्रेलियान ओपन स्पर्धा जिंकली. सोफियाने केवळ दोन तासांत गार्बिनचा 4-6, 6-2, 6-2 असा पराभव केला. 

या विजयासह ऑस्ट्रेलियन ओपन जिंकणारी ती अमेरिकेची सर्वांत लहान महिला ठरली आहे. यापूर्वी अमेरिकेच्या सेरेना व्हिल्यम्सने 2002मध्ये ऑस्ट्रेलियन ओपन स्पर्धा जिंकली होती. 

सोफियाने पहिला गमावूनही सामन्यात पुनरागमन केले. गार्बिनने तिला पहिल्या सेटमध्ये 6-4 असे पराभूत केले. मात्र, त्यानंतर आक्रमक खेळ करत तिने पुढील दोन्ही सेट जिंकत विजेतेपद पटकाविले.

जागतिक क्रमवारीत 14व्या स्थानावर असलेली सोफिया पहिल्यांदाच ग्रॅंडस्लॅम स्पर्धेच्या अंतिम सामन्यात खेळत होती. उपविजेत्या गार्बिनने यापूर्वी 2016मध्ये फ्रेंच ओपन आणि यापूर्वी 2017मध्ये विंबल्डन स्पर्धा जिंकली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com