Stomach Problems In Monsoon: पावसाळ्यात वारंवार पोट खराब होतंय? मग या सोप्या टिप्स करतील तुमची मदत

गेल्या काही दिवसांपासून पावसाने नागरिकांना उकाड्यापासून दिलासा दिला आहे. लोक हवामानाचा आनंद लुटत आहेत. काही जण पकोड्यांचा आस्वाद घेत आहेत तर काही जण पावसात लॉंग ड्राइव्हला जात आहेत, पण सावध राहा, खरे तर पावसाळ्यात आजार होण्याचा धोका अधिक असतो.

डब्ल्यूएचओच्या मते, जगभरातील 80 टक्के आजार पाण्यामुळे होतात. पावसाच्या पाण्यामुळे आपल्याला अनेक प्रकारचे संसर्ग देखील होतात, जे आपल्या शरीरासाठी धोकादायक असतात. काही सूक्ष्मजीव असे असतात जे थेट पोटाला हानी पोहोचवतात, ज्यामुळे व्यक्तीला अतिसार, पोटदुखी, कावीळ, टायफॉइड यासारख्या गंभीर समस्यांना सामोरे जावे लागते.

खरं तर, या काळात, पाणी आणि वातावरणातील बॅक्टेरिया, फंगस-व्हायरस अनुकूल परिस्थिती निर्माण करते, ज्यामुळे थोडीशी घाण आणि खाण्या-पिण्यात एखादी छोटीशी चूक देखील पोट खराब करते.

पावसाळ्यात पोटाशी संबंधित समस्यांचा सर्वाधिक धोका असतो. या हंगामात, संसर्ग थेट आतड्यांवर हल्ला करतात, ज्यामुळे अनेक समस्या उद्भवतात. ते टाळण्यासाठी आपण लक्ष दिले पाहिजे.

असा करा बचाव

• अन्न खाताना हात नीट स्वच्छ धुवावेत.

• बाजारातून भाजी आणताना आधी नीट धुवून नंतर नीट शिजवून घ्या.

• पाणी उकळून थंड झाल्यावर प्यावे. किंवा पाणी गाळून किंवा फिल्टर करून प्या.

• हलका आहार घ्या.

• जर तुम्ही घराबाहेर जात असाल तर सोबत पाणी घेऊन जा.

• बाहेरचे पाणी पिणे टाळा.

• तळलेले आणि मसालेदार पदार्थांपासून दूर राहा.

• हायड्रेशन पातळी उच्च ठेवा.