तुमचं प्रेम एकतर्फी आहे का? जाणून घ्या लक्षणे | Relationship Tips | Sakal
sakal

बोलून बातमी शोधा

one sided love

तुमचं प्रेम एकतर्फी आहे का? जाणून घ्या लक्षणे

एकतर्फी प्रेम खूप वेदनादायक असतं. नात्यात जर एकत व्यक्ती प्रेम, काळजी घेत असेल तर नक्कीच दुसऱ्या बाजूला निराशा, असुरक्षिततेची भावना निर्माण होते. तुम्ही अश्या एकतर्फी नात्यात आहात का, हे ओळखणे महत्त्वाचे आहे. खालील बाबींवरुन तुम्ही तुमचं प्रेम किंवा तुमचं नातं एकतर्फी असल्याचं सहज ओळखू शकता.

1. जेव्हा तुम्हाला त्यांची गरज असते तेव्हा ते तुमच्यासाठी नसतात

जेव्हा तुम्हाला गरज असते तेव्हा तुमचा पार्टनर तुमच्यासाठी नेहमीच असतो का? जर उत्तर बहुतेक नाही असेल, तर एकतर्फी प्रेमाची शक्यता जास्त आहे. तुम्ही त्यांची जितकी काळजी घेत आहात तितकी त्यांना तुमची काळजी नाही. कठीण प्रसंगी दोघांचं एकमेकांसोबत राहणे आवश्यक असते

2. त्यांच्याकडून नाते जपण्यासाठी कोणतेही प्रयत्न होत नाहीत

जेव्हा तुमचा पार्टनर नाते जपण्यासाठी कोणतेही प्रयत्न करत नाही तेव्हा ते तुमच्यावर प्रेम करत नाही हे स्पष्ट लक्षण आहे. जेव्हा दोन्ही पार्टनर एकमेकांवर प्रेम करतात तेव्हा नात्यात हे प्रयत्न नकळत येतात.

हेही वाचा: उन्हाळ्यात चेहरा टॅन होतो? हे पाच घरगुती उपाय नक्की ट्राय करा

3. पार्टनरच्या चुका लपविण्यासाठी भरपूर कारणे देतात

तुमचा पार्टनर तुमच्याकडे दुर्लक्ष करतो, हे तुम्हाला माहित असताना ज्या दिवशी तुम्ही तुमच्या पार्टनरच्या चुका लपविण्यासाठी अनेक कारणे द्याल,तेव्हा नात्यात तुम्ही एकतर्फी प्रेमात आहात,याची तुम्हालाच जाणीव होईल.

4. माफी मागणारे तुम्हीच आहात

नातेसंबंधात सर्व गोष्टीसाठी नेहमीच माफी मागणारे तुम्हीच असाल. तुम्ही काहीही चुकीचे केले नसले तरीही तुमच्यात अपराधीपणाची भावना निर्माण होईल, तर तुम्ही एकतर्फी प्रेमात आहात.

हेही वाचा: Break-up करण्यापूर्वी स्वत:ला विचारा हे पाच प्रश्न

5. तुम्ही तुमचे प्रॉब्लेम्स तुमच्या इतरांसोबत शेअर करता का?

जर तुम्हाला तुमचे प्रॉब्लेम्स तुमच्या पार्टनरपेक्षा मित्र आणि कुटुंबियांशी शेअर करायला आवडत असेल तर तर तुम्हाला नात्यात एकटे वाटण्याची शक्यता आहे.

Web Title: Relationship Tips Your Love Is One Sided Check Following Signs

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top