Hair Care : केसांची दुर्गंधी या उपायांनी घालवा

प्रत्येकाला सुंदर केस हवे असतात. केसांमुळे व्यक्तीमत्व उठावदार दिसते. चांगल्या केसांसाठी आपण केसांची काळजी घेतच असतो तरीही केसांतून दुर्गंध यातो. याचे कारण स्काल्पवर तेल राहणे व बॅक्टेरीयामुळे असते. याशिवाय केस नीट न धुणे, घाम, हार्मोनल चेंज, प्रदुषण ही कारणेपण असू शकतात.

तुमच्या रोजच्या हेअर केअर बरोबरच हे घरगुती उपाय करून बघा. यामुळे केसांत शाईनच्या बरोबर केसांत नवा तजेला जाणवतो. या उपयांमुळे उन्हाळ्यात केसांतून येणारा दुर्गंध पुर्णपणे जातो.

टी ट्री ऑईल

जर तुम्ही केसांना मजबूत, कोंडामुक्त करणाऱ्या तेलाच्या शोधात असाल टी ट्री ऑईल चांगला पर्याय आहे.

कसे वापरावे

६ थेंब टी ट्री ऑईल व २ मोठे चमचे बदाम तेल घ्यावे. नीट मिक्स करावे.

हे मिश्रण स्काल्पला व केसांवर लावावे.

हलक्या हाताने मसाज करावा व ३० मिनीटांनंतर शॅम्पूने धूवावे.

लिंबाचा रस

जर तुमच्या डोक्यात कोंड्यामुळे दुर्गंध येत असेल तर लिंबाचा रस चांगला पर्याय आहे. यामुळे स्काल्प वरील दुर्गंध निर्माण करणारे बॅक्टेरीयाला मारण्यास मदत करतात.

कसे लावावे

२ लहान चमचे लिंबाचा रस व २ कप गरम पाणी घ्यावे, दोन्ही व्यवस्थित मिक्स करावे.

नंतर केस माइल्ड क्लिंझरने धुवावे.

यानंतर लिंबाचा रस लावावा व पाण्याने धुवावे.

ॲपल साइडर व्हीनेगर

ॲपल साइडर व्हीनेगर कोंडा व स्काल्पच्या दुर्गंधी घालवण्यासाठी चांगला पर्यार आहे.

कसे लावावे

अर्धा कप ॲपल साइडर व्हीनेगर व २ कप पाणी घ्यावे. नीट मिक्स करावे.

आधी केस माइल्ड क्लींझरने धूवावे.

यानंतर हे मिश्रण आपल्या केसांवर लावून थोड्यावेळ ठेवावे. नंतर केसांना साध्या पाण्याने धूवावे.

टोमॅटोचा रस

जर तुमच्या स्काल्पवर बॅक्टेरीया होत असतील तर त्यावर टोमॅटो एक चेंगला उपाय आहे. टोमॅटोमध्ये अँटीबॅक्टेरीयल गुण फार असतात. त्यामुळे स्काल्पवरील बॅक्टेरीया मारण्यास मदत होते.

कसे लावावे

१ मध्यम आकाराचा टोमॅटो घ्यावा.

त्याचा गर काढून केसांवर लावावा.

३० मिनीट ठेवावे मग साध्या पाण्याने धूवावे.

कांद्याचा रस

कांद्याचा रस केसांना मजबूत बनवण्याबरोबर केसांना दाट बनवतात. यात सल्फरचे प्रमाण अधिक असल्याने स्कल्पमधून येणारी दुर्गंधी जाते.

कसे लावावे

३ लहान चमचे कांद्याचा रस व २ लहान चमचे लिंबूचा रस घ्या. हे मिश्रण ३० मिनीट लावून ठेवावे मग साध्या पाण्याने धूवावे.