अजित पवार म्हणाले, आमची मते सेनेला देणार हे आधीच स्पष्ट केलेलं

संभाजी राजेंसोबत राष्ट्रवादीचे नेते शरद पवार आणि मुख्यमंत्री उद्धव ठाकरेंनी चर्चा केली होती
Ajit Pawar
Ajit Pawaresakal
Summary

संभाजी राजेंसोबत राष्ट्रवादीचे नेते शरद पवार आणि मुख्यमंत्री उद्धव ठाकरेंनी चर्चा केली होती

सध्या राज्यसभेच्या निवडणुकीमुळे राजकीय वातावरण चागंलच तापलं आहे. शिवसेनेने कोल्हापूर सेना प्रमुख संजय पवार यांना उमेदवारी देत संभाजीराजे छत्रपती यांचा पत्ता कट केला आहे. सहाव्या जागेबाबतच्या उमेदवारीचा विषय आमच्यासाठी संपला असल्याचे शिवसेनेन स्पष्ट केलं आहे. दरम्यान, आता यावर उपमुख्यमंत्री अजित पवार यांनी प्रतिक्रिया दिली आहे. संभाजी राजेंसोबत राष्ट्रवादीचे नेते शरद पवार आणि मुख्यमंत्री उद्धव ठाकरेंनी चर्चा केली होती. मात्र ही चर्चा काय आणि कशाबद्दल होती हे माहित नाही, असं स्पष्टीकरण उपमुख्यमंत्र्यांनी दिलं आहे.

Ajit Pawar
घडामोडींना वेग; खासदार राऊत, संजय पवार उमेदवारी अर्ज भरणार

ते म्हणाले, शिवसेना आणि त्यांच्या प्रवक्त्यांनी सुरुवातीपासूनच पक्षात येण्यासाठी संभाजीराजेंना सूतोवाच केलं होतं. मात्र आता याबाबतीत वेगळ्या बातम्या येत आहेत. कोणी, कोणता आणि काय निर्णय घ्यावा हा त्यांचा अधिकार आहे. मुख्यमंत्री ठाकरेंनी संभाजीराजेंना 'वर्षा'वर येण्याची विनंती केली होती. पण त्यासंदर्भात कोणतीही चर्चा झाली नाही. शरद पवार हे महाविकास आघाडीतील सर्वोच्च नेते आहेत. पुढे ते म्हणाले की, मागील काही दिवसांपूर्वी यासंदर्भात मी भाष्य केलं होतं. आमची मत आम्ही शिवसेनेला देणार असल्याचं स्पष्ट सांगितलं होतं. आमचा ४२ मतांचा कोटा आहे. त्यांच्याकडे २७ ते २८ मत असल्याचे त्यांनी सांगितलं आहे.

यावेळी मंत्री अनिल परब यांच्यावर झालेल्या ईडी कारवाईबाबत ते म्हणाले, केंद्रीय यंत्रणांचा वेगवेगळ्या पद्धतीने वापर सुरू आहे. यंत्रणानी त्यांच्या अधिकारांचा वापर वेगवेगळ्या पद्धतीने करत आहेत. याआधही महाविकास आघाडीतील नेत्यांवर अश्या कारवाई झाल्या आहेत. माझ्याही नातेवाईकांसंदर्भात तपास केला जात आहे. आताही कारवाई चालू आहे. मात्र कोणत्या आधारे ही कारवाई सुरू आहे ते अद्याप समजू शकलेलं नाही, असंही त्यांनी स्पष्ट केलं आहे.

Ajit Pawar
'चंद्रकांत पाटील साहेब जेवणाचे आमंत्रण देते, सहकुटुंब अवश्य या'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com