CM शिंदेंच्या कार्यक्रमात महापुरुषांचा अनादर; मिटकरींनी शेअर केला व्हिडीओ

व्यासपीठावर ठेवलेल्या छत्रपती शिवराय आणि डॉ. बाबासाहेब आंबेडकरांच्या प्रतिमा खाली पडलेल्या दिसत आहेत.
Eknath Shinde
Eknath ShindeSakal

राष्ट्रवादी काँग्रेसचे आमदार अमोल मिटकरी यांनी एक व्हिडीओ शेअर केला आहे. या व्हि़डीओसोबतच तिथे घडलेल्या प्रकाराबद्दल संतापही व्यक्त केला आहे. तसंच महापुरुषांचा अनादर झाल्याची भावनाही त्यांनी व्यक्त केली आहे. हा व्हिडीओ शेअर करताना मिटकरींनी ट्वीटही केलं आहे. (Amol Mitkari Shared a video)

Eknath Shinde
चार वेळा अपमान होऊनही एकनाथ शिंदेनी आपला स्वाभिमान गहाण ठेवलाय - सुप्रिया सुळे

मुख्यमंत्री एकनाथ शिंदेंच्या (CM Eknath Shinde) एका सत्कार समारंभातला हा व्हिडीओ दिसत आहे. या व्हिडीओमध्ये व्यासपीठावर प्रचंड गर्दी झाल्याचं दिसत आहे. एका कोपऱ्यात छत्रपती शिवाजी महाराज, डॉ. बाबासाहेब आंबेडकर, बाळासाहेब ठाकरे आणि आनंद दिघेंच्या प्रतिमाही ठेवलेल्या दिसत आहेत. मात्र व्यासपीठावरच्या गर्दीचा या प्रतिमांना धक्का लागला आणि छत्रपती शिवाजी महाराज (Chhatrapati Shivaji Maharaj), डॉ. बाबासाहेब आंबेडकर (Dr.Babasaheb Ambedkar) आणि बाळासाहेब ठाकरेंच्या (Balasaheb Thackeray) प्रतिमा खाली पडलेल्या दिसत आहेत.

Eknath Shinde
मी २४ तास जनतेसाठी काम करणारा मुख्यमंत्री - एकनाथ शिंदे

हा व्हिडीओ शेअर करताना अमोल मिटकरींनी (NCP MLA Amol Mitkari) ट्वीटही केलं आहे. आपल्या ट्वीटमध्ये ते म्हणतात, "राजकारण करा पण महापुरुषांचा असा अनादर होत असेल तर ते जनता सहन करु शकणार नाही. निषेध!" हा व्हिडीओ कोणत्या कार्यक्रमातला आहे, हे मात्र या व्हिडीओतून स्पष्ट कळत नाहीये. मात्र एकनाथ शिंदे यांच्या जाहीर सत्काराचा हा कार्यक्रम असल्याचं इथल्या पोस्टरवरुन दिसत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com