Friends Forever; ... अमृता फडणवीसांच्या ट्वीटची चर्चा

राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस या आपल्या सांस्कृतिक, राजकीय, सामाजिक क्षेत्रात सातत्याने कार्यरत असतात. त्यांच्या ट्वीटची, कामांची, गाण्याची कायमच चर्चा असते. आताही त्यांचं एक ट्वीट चर्चेत आलं आहे.

अमृता फडणवीस यांनी आज देवेंद्र फडणवीस आणि मुख्यमंत्री एकनाथ शिंदे यांची भेट घेतली. या भेटीनंतर अमृता फडणवीस यांनी एक ट्वीट केलं आहे. ये दोस्ती हम नही तोड़ेंगे! महाराष्ट्राच्या दोन अनमोल रत्नांसोबत...असं त्या आपल्या ट्वीटमध्ये म्हणतात. यासोबत अमृता फडणवीसांनी Friendship Day चे हॅशटॅग्जही वापरले आहेत.

अमृता फडणवीस यांनी देवेंद्र फडणवीस आणि एकनाथ शिंदे यांची भेट घेतली. त्यांच्यासोबतचे फोटो अमृता फडणवीसांनी शेअर केले आहे. दरम्यान, झी मराठीच्या बस बाई बस या कार्यक्रमामुळेही अमृता फडणवीस चर्चेत आल्या आहेत. कशी नशिबाने थट्टा आज मांडली हे गाणं ऐकून आपल्याला उद्धव ठाकरे आठवतात, असं विधानही त्यांनी या कार्यक्रमात केलं आहे. त्यामुळे शिवसैनिक संतापले आहेत. मुंबईच्या माजी महापौर किशोरी पेडणेकर यांनी त्यांना गाण्यातूनच प्रत्युत्तरही दिलं आहे.